ހުޅުމާލޭ ފޭސް 2 ވިނަރެސް ފްލެޓް ކައިރީގައި ބާރު ސްޕީޑްގައި ދިޔަ ރޭސް ކާރަކުން ސައިކަލެއްގައި ޖެހި ޖުލައި 31 ވަނަ ދުވަހު ހިނގި އެކްސިޑެންޓާ ގުޅިގެން ހައްޔަރު ކުރި ތިން މީހުންގެ ތެރެއިން އެކަކު މިނިވަން ކުރަން މިއަދު ހައި ކޯޓުން އަމުރުކޮށްފިއެވެ.
މި އެކްސިޑެންޓާ ގުޅިގެން ހައްޔަރު ކޮށްފައި ވަނީ:
- އިކްރާމުއްރަހްމާން (ހ. ނޫރަންމާގެއާގެ)
- އިބްރާހީމް އިކްރާމް (މ. ލޭންޑް އޮފް ގާޑަން)
- ޖިނާހް އިސްމާއީލް (ގއ. ކަނޑުހުޅުދޫ، އާޒާދުގެ)
ކްރިމިނަލްކޯޓުން ވަނީ ކާރުދުއްވަން އިން މީހާ ޝަރީއަތް ނިމެންދެން ބަންދު ކުރުމަށް އަމުރު ކޮށްފައެވެ. ކާރު ދުއްވަން އިން އިބްރާހިމް އިކްރާމް ޝަރީއަތް ނިމެންދެން ބަންދު ކުރުމަށް އަމުރުކޮށްފައި ވާއިރު، އިސްމާއީލް ޖިނާހުގެ ބަންދަށް ވަނީ 15 ދުވަސް ޖަހާފައެވެ.
ހައި ކޯޓުން މިއަދު މިނިވަން ކުރީ މ. ލޭންޑް އޮފް ގާޑަން އިބްރާހީމް އިކްރާމް އެވެ. ހައިކޯޓުން މިއަދު އެ މީހާ މިނިވަން ކުރީ އޭނާ ޝަރީއަތް ނިމެންދެން ބަންދު ކުރަން ކޯޓުން އަމުރު ކުރީ އެކަން ކުރަން އޮންނަ އިޖުރާއަތުތަކާ ހިލާފަށް ކަމަށް ބުނެއެވެ.
މި އެކްސިޑެންޓު ހިނގަން މެދުވެރިވީ ބާރު ސްޕީޑުގައި ކާރު ދުއްވާފައި ދިޔުމުން ކޮންޓްރޯލް ނުވެގެން ކަމަށް ފުލުހުން ވަނީ ބުނެފައެވެ. ކާރު ކޮންޓްރޯލުން ނައްޓައިގެން ގޮސް ޕާކްކޮށްފައި ހުރި ސައިކަލެއްގެ މަތީގައި އިން މީހާއާ އެކު ސައިކަލުގައި ޖެހުނުލެއް ބާރުކަމުން އެ މީހާ އެ ވަގުތު ވިއްސައިގެންދާ މަންޒަރު އާންމުވި، ސީސީޓީވީ ފުޓޭޖްތަކުން ވަނީ ފެނިފައެވެ.
މި އެކްސިޑެންޓުގައި ހިމެނޭ ސައިކަލު ދުންވަން އިން ފިރިހެން މީހާއަށް ވަނީ ބޮޑެތި އަނިޔާތަކެއް ލިބިފައެވެ. ފުލުހުން ވަނީ އޭނާގެ ކަނދުރާގައި ރެނދުލާފައި ހުރި ކަމަށާއި، ބެކްބޯންގައި ވެސް ރެނދުލާފައިވާ ކަމަށް މައުލޫމާތުދީފައެވެ. މީގެއިތުރުން މި އެކްސިޑެންޓުގައި އެ މީހާގެ ބޯ ފަޅައިގެން ގޮސްފައިވާ ކަމަށްވެސް ފުލުހުން ވަނީ މައުލޫމާތު ދީފައެވެ.
ހައިކޯޓް ސްޕްރީމް ކޯޓް އުވާލާފަ ، ޕެޓީކޯޓާ އަންޑަސް ކޯޓް ހަދަން ފެނޭ