އަމީރު އަހްމަދު މަގުގައި ހުރި 3 އިމާރާތަކަށް ގެއްލުން ދީ ވައްކަންކޮށްފައިވާ މައްސަލަ އާއި ގުޅިގެން މީހަކު ހައްޔަރުކޮށްފިއެވެ.
ފުލުހުން ބުނީ ރޭގައި ރިޕޯޓްކުރި މައްސަލަ އާއި ގުޅިގެން ހައްޔަރުކޮށްފައިވަނީ ރ.މީދޫ، ބުލްބުލާގެ، އަޒްމީލް މުހައްމަދު (40އ) ކަމަށެވެ.
ފުލުހުން ބުނީ އޭނާ ގެއްލުންދީ ވައްކަންކޮށްފައިވަނީ އިނާ މޯލްޑިވްސްގެ އައިލެންޑް ޗޮއިސް، އޭސް ޓްރެވެލްސް އައި ގަތަރު ކާގޯ އޮފީހުން ކަމަށެވެ. އަދި މި މައްސަލައިގައި ކޯޓު އަމުރެއްގެ ދަށުން އަޒްމީލް ހައްޔަރުކޮށްފައިވާއިރު މި މައްސަލަ ދަނީ ތަހުގީގުކުރަމުންނެވެ.
މާލެ ސަރަހައްދުގައި ވައްކަމާއި، ފޭރުމާ އަދި މުދަލަށް ގެއްލުން ދިނުމުގެ މައްސަލަތައް އިތުރުވަމުން އަންނައިރު، މި އަހަރުގެ މިހާތަނަށް ވައްކަމުގެ، ޖުމްލަ 2474 މައްސަލަ ހުށަހަޅާފައިވެއެވެ.
