ރާއްޖެއިން ޑޮލަރު ބޭރުކުރަން އުޅުނު ބިދޭސީ މީހާއަށް މަނީ ލޯންޑަރިންގެ ތުހުމަތުކޮށް 15 ދުވަހަށް ބަންދުކޮށްފިއެވެ.
މި މައްސަލާގައި ހައްޔަރުކޮށްފައިވަނީ ޝަހްމިން އިސްލާމް ޝަގުރު، 32،އެވެ.
ފުލުހުން ބުނީ ޑޮލަރުތަކާއެކު މި މަހުގެ 25 ވަނަ ދުވަހު ވެލާނާ އިންޓަނޭޝަނަލް އެއާޕޯޓުން ހިފެހެއްޓި މީހާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 15 ދުވަހަށް ބަންދު ކުރުމަށް އަމުރުކޮށްފައިވާ ކަމަށެވެ.
އިތުރަށް ފުލުހުން ބުނީ އޭނާގެ މައްޗަށް ތުހުމަތު ކުރެވޭ މަނީ ލޯންޑަރިންގެ މައްސަލަ ފުލުހުން ތަހުގީގުކުރަމުން އަންކަމަށެވެ.
ރާއްޖެއިން ބަންގްލަދޭޝްގެ ޑާކާއަށް ފުރަން އުޅުނު ބަންގްލަދޭޝް މީހާގެ ލަގެޖު ތެރޭ ކޯންފްލޭކްސް ޕެކެޓެއްގައި ބަންދުކޮށް ފޮރުވައިގެން ގަވައިދާ ހިލާފަށް ރާއްޖެއިން ބޭރުކުރަން އުޅުނު 81،030 ޑޮލަރު ވަނީ އަތުލައިގެންފަައެވެ.
