ކެނެބިސް ޓްރެފިކް ކުރުމުގެ މައްސަލައާ ގުޅިގެން އައްޑޫ ސިޓީ ހިތަދޫ، ހަޒާރުމާގެ، އުބާދަތު ހޯދަން 5 ވަނަ ފަހަރަށް ފުލުހުން އިއުލާން ކޮށްފިއެވެ.
އިއްޔެ ފުލުހުން ކުރި އިއުލާނުގައި ބުނީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރު ކުރެވިފައި ނުވާތީ ބަންދުގައި ބަހައްޓައިގެން ކޯޓަށް ހާޒިރު ކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން އުބާދަތު ހޯދުމުގެ މަސައްކަތް ކުރަމުން އަންނަކަމަށެވެ.
އިތުރަށް ފުލުހުން ބުނީ ކެނެބިސް ޓްރެފިކް ކުރުމުގެ މައްސަލައާ ގުޅިގެން ކޯޓަށް ހާޒިރު ކުރުމަށް ބޭނުންވެ ހާޒިރު ކުރެވިފައި ނުވާތީ، ބަންދުގައި ބަހައްޓައިގެން އޮގަސްޓް 20، 2024 ވަނަ ދުވަހުގެ 12:00 އަށް ކްރިމިނަލް ކޯޓަށް ހާޒިރު ކޮށްދިނުމަށް ފުލުހުންގެ މައްޗަށް އަމުރު ކޮށްފައި ވާތީ އޭނާއާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކޮށް ދިނުމަށް އެދޭކަމަށެވެ.
އުބާދަތު ހޯދަން ފުލުުހުން ފުރަތަމަ އިއުލާން ކުރީ މެއި މަހުގެ 12 ވަނަ ދުވަހުއެވެ. އަދި ޖޫން މަހުގެ 2 ވަނަ ދުވަހާއި ޖޫން މަހުގެ 22 ވަނަ ދުވަހުވެސް އޭނާ ހޯދުމަށް ފުލުހުން ވަނީ އިއުލާން ކޮށްފައެވެ. އެންމެ ފަހުން އޭނާ ހޯދުމަށް ފުލުހުން އިއުލާން ކުރީ މިދިޔަ ޖުލައި މަހުގެ 10 ވަނަ ދުވަހުއެވެ.
