މިހާރު ރާއްޖެއަށް ކުރަމުން މިދާ ވިއްސާރައިގައި މާލޭގެ މަގު ތަކުގައި ފެންބޮޑުވުމާއި ގުޅިގެން ދުއްވާތަކެތި ނުދުއްވޭ ވަރުވެއްޖެއެވެ.
އެހެންކަމުން ފުލުހުން ވަނީ ހަތަރު ފުރުޅުލީ އުޅަނދު މާލޭގެ މަގުތަކުގައި މިވަގުތު އިލްތިމާސްކޮށްފައެވެ. އެގޮތުން ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެ، ބައެއް ގޭގެއަށް ފެން ވަނުމުގެ ހާދިސާތައް ހިނގަމުންދާ މި ދަނޑިވަޅުގައި މަގުތަކުން ފެން ހިންދި އާންމު ހާލަތައް ގެނެވެންދެން މާލޭގެ މަގު ތަކުގައި ބަރު އުޅަނދު ނުދުއްވުމަށް ފުލުހުން ވަނީ އެދިފައެވެ.
މީގެއިތުރުން މާލޭގެ މަގުތަކުގައި ހަތަރު ފުރުޅުލީ އުޅަނދު ޒަރޫރީ ބޭނުންތަކުގައި ނޫނީ ނުދުއްވުމަށް ފުލުހުން ވަނީ އެދިފައެވެ. ފުލުހުން ވަނީ ރައްޔިތުންގެ ފަރާތުން ލިބެމުންދާ އެއްބާރުލުމަށް ޝުކުރު އަދާކޮށްފައެވެ.
ބޯކޮށް ވާރޭވެހި ވައިގަދަވާނެ ކަމަށް ލަފާކޮށް މެޓް އޮފީހުން ވަނީ މިއަދު 14:15 އިން 18:15 އާ ހަމައަށް ކ. އަތޮޅުން ފެށިގެން އދ. އަތޮޅަށް އޮރެންޖު އެލާޓު ނެރެފައެވެ.
އެހެންކަމުން ކޮންމެހެން ކުރަން ޖެހިއްޖެ ހާލަތެއްގައި ނޫނީ ކަނޑު ދަތުރު ނުކުރުމަށް ފުލުހުން ވަނީ އިލްތިމާސްކޮށްފައެވެ.
އަގުބޮޑުކޮ މަގު ހެދީ ރޭސްޖަހާކަަ ނޫނޭ ވިދާޅުވި ބައެއް ބޭފުޅުން، މިއުޅެނީ އަތްގާޑިޔަލެއްވެސް ނުދުއްވިގެން.