ފަތުރުވެރިކަމަށް ދޫކޮށްފައިވާ ވ.ބޮޑުމޮހޮރާގައި ބަނގުރާ ގެންގުޅެ ވިއްކާކަމަށް ލިބުނު މައުލޫމާތާ ގުޅިގެން 3 މީހުން ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ 2 ދިވެހިންނާއި ބިދޭސީއެކެވެ.
ފުލުހުން ބުނީ، މި ތިން މީހުން ހައްޔަރުކޮށްފައިވަނީ ބޮޑުމޮހޮރާގައި ބަނގުރާ ގެންގުޅެ ވިއްކާކަމަށް ލިބުނު މައުލޫމާތާ ގުޅިގެން. ޑްރަގް އެންފޯސްމެންޓް އާއި އިންޓެލެޖެންސީ އަދި ވ.އަތޮޅު ފުލުހުން ގުޅިގެން މިއަދު ހިންގި އޮޕަރޭޝަނެއްގައި ކަމަށެވެ.
މި މައްސަލައިގައި ހައްޔަރުކުރި މީހުންގެ ފޮޓޯ އާއި ވަނަވަރު ފުލުހުން ވަނީ ހާމަކޮށްފައެވެ. މި ގޮތުން މި މައްސަލައިގައި ހައްޔަރުކޮށްފައިވަނީ ކ. މާލެ، މ. ލަކްސް ގާޑަން، އަހްމަދު އަޝްރަފު (43އ)، ގދ. ތިނަދޫ، ބްލޫހެވަން އާގެ، އަމްޖަދު މުހައްމަދު (50އ) އަދި ސްރީލަންކާގެ ރައްޔިތެއްކަމަށްވާ ނަލިން އިންޑިކާ ކޮޑިކާރަ (53އ)ކެވެ،
ފުލުހުން ބުނީ މި މައްސަލައާއި ގުޅިގެން އެ ރަށް ބަލާ ފާސްކުރިއިރު 24 ފުޅި ބަނގުރާ ފެނިފައިވާ ކަަމަށެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
