ރައްޔިތުންގެ މަޖިލީހުގެ ތަޅުމުގައި ފުރަތަމަ ދަންފަޅީގައި ކުރާނެ މަސައްކަތެއް ނެތުމުން މިއަދުގެ ޖަލްސާ މެދުކަނޑާލައިފިއެވެ.
މަޖިލީހުގެ ތަޅުމުގައި ފުރަތަމަ ދަންފަޅީގައި ކުރާނެ މަސައްކަތެއް ނެތުމުން ޖަލްސާ މެދުކަނޑާލީ ޖަލްސާ ފެށިތާ ގާތްގަނޑަކަށް 10 ވަރަކަށް މިނެޓު ފަހުންނެވެ.
މަޖިލީހުގެ މިއަދުގެ ޖަލްސާގައި ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް، މިނިސްޓަރީ އޮފް ހައުސިން، ލޭންޑް އެންޑް އަާބަން ޑިވެލޮޕްމަންޓް ޑރ.އަލީ ހައިދަރު އަހްމަދު އާއި ސުވާލުކުރުމަށް އެޖެންޑާކޮށްފައިވާއިރު، މިނިސްޓަރަށް މަޖިލީހަށް ވަޑައިގެންނެވެން ނެތުމުން ވަނީ ކެންސަލްކޮށްފައެވެ.
މިއަދުގެ ޖަލްސާގެ އެޖެންޑާގައި ދެން އޮތީ ސަރުކާރުގެ ފަރާތުން މަހިބަދޫ ދާއިރާގެ މެންބަރު އަހުމަދު ތޯރިގު ހުށަހަޅުއްވާފައިވާ އިންޝުއަރެންސްގެ ބިލްގެ ފުރަތަމަ ކިޔުން އިއްވުމެވެ.
އެއަށްފަހު ޖަލްސާގައި އޮތީ ކޮމިއުނިކޭޝަންސް އޮތޯރިޓީ އޮފް މޯލްޑިވްސްގެ 2016، 2017، 2018، 2019 އަދި 2020 ވަނަ އަހަރުގެ އޮޑިޓް ރިޕޯޓް މާލިއްޔަތު ކޮމިޓީން ދިރާސާކޮށް ނިންމި ގޮތުގެ ރިޕޯޓް އިއްވުމެވެ.
މީގެ އިތުރުން ފެމިލީ ޕްރޮޓެކްޝަން އޮތޯރިޓީގެ 2014، 2017، 2018، 2019، 2020، 2021، 2022 އަދި 2023 ވަނަ އަހަރުގެ އޮޑިޓް ރިޕޯޓު މާލިއްޔަތު ކޮމިޓީން ދިރާސާކޮށް ނިންމި ގޮތުގެ ރިޕޯޓް އިއްވުމަށްވަނީ ހަމަޖެހިފައެވެ. މަޖިލީހުގެ ތަޅުމުގައި މި ކޮމިޓީ ރިޕޯޓްތައް އިއްވެވީ މާލިއްޔަތު ކޮމިޓީގެ މުގައްރިރު އަދި މާމިގިލި ދާއިރާގެ މެންބަރު ގާސިމް އިބްރާހީމް އެވެ.
ކޮމިޓީ ރިޕޯޓްތަކަށް ބަހުސްކުރަން ހުޅުވާލި ފުރުސަތުގައި އެއްވެސް މެންބަރަކު ބަހުސްކުރައްވާފައި ނުވެއެވެ.
މުސާރަކުޑަވީމައި ކުރާނެ މަސައްކަތެއް ނުހުންނާނެ އެއީ ހިލޭސާބަހަށް މަސައްކަތް ކުރާބައެއް