ހެންވޭރު ގެއަކުން ސައިކަލަކާއި ޓީވީ އެއް ވަގަށް ނެގި މައްސަލައިގައި ދެމީހަކު ހައްޔަރުކޮށް ބަންދުގެ މުއްދަތު ޖަހައިފިއެވެ.
ފުލުހުން ބުނީ އެގެއިން އެގެއިން ޓީވީއެއް ވަގަށް ނަގާފައިވާ މައްސަލަ އެ އިދާރާއަށް ހުށަހަޅާފައިވަނީ މި މަހުގެ 28 ވަނަ ދުވަހު ކަމަށެވެ. އަދި އެގެއިން ސައިކަލެއް ވަގަށް ނަގާފައިވާކަމުގެ މައްސަލައެއްވެސް މި މަހުގެ 30 ވަނަ ދުވަހު އެ އިދާރާއަށް ހުށަހަޅާފައިވާ ކަމަށެވެ.
މި މައްސަލައާއި ގުޅިގެން 31 އަހަރު އަދި 32 އަހަރުގެ ދެ ދިވެހި ފިރިހެނުން ރޭގެ ވަގުތެއްގައި ހައްޔަރުކޮށްފައިވާ ކަަމަށް ފުލުހުން ވަނީ ބުނެފައެވެ. އަދި މި ދެމީހުން ވަގަށް ނެގި ޓީވީ އާއި ސައިކަލު ގެއެއްގެ ތެރޭގައި ފޮރުވާފައި ހުއްޓާ ހޯދާފައިވާކަަމަށް ފުލުހުން ވަނީ ބުނެފައެވެ.
އެދެމީހުންގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް އަމުރުކޮށްފައިވާއިރު ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
