ކަނޑުމަތީގެ އޮޕަރޭޝަންތަކުގައި ބޭނުންކުރަން 2 ޑްރޯން ޔޫއެންއޯޑީސީއިން ފުލުހުންނަށް ހަދިޔާކޮށްފިއެވެ.
މި ޑްރޯންތައް ހަދިޔާކޮށްފައި ވަނީ އެކަމަށްޓަކައި ހޯމް މިނިސްޓްރީގައި ބޭއްވި ހާއްސަ ރަސްމިއްޔާތެއްގައެވެ.
މި ޑްރޯންތައް ބޭނުންކުރުމަށް ނިންމާފައި ވަނީ ދިވެހި ފުލުހުންގެ ހިދުމަތުގެ މެރިން ޕޮލިސް ޑިވިޝަނުން ކަމަށް ފުލުހުން ބުނެއެވެ.
ފުލުހުން ބުނީ ޔޫއެންއޯޑީސީން ހަދިޔާކޮށްފައި ވަނީ ކަނޑާއި ވައިގެ ތެރޭގައި ދުއްވޭ ފަދަ 2 ޑްރޯން ކަމަށެވެ. އަދި މި ޑްރޯންތައް ބޭނުންކުރަން ހަމަޖެހިފައި ވަނީ ޝޯޓް ރޭންޖް އޮޕަރޭޝަންތަކުގައި ކަމަށެވެ.
ޑްރޯންތަކާ ހަވާލުވުމަށް އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ހޯމް މިނިސްޓަރު އަލީ އިހްސާންއެވެ. އަދި ޔޫއެންޑީއޯސީގެ ފަރާތުން ސޮއިކުރެއްވީ ރާއްޖޭގައި ހުންނަ ޔޫއެންއޯޑީސީގެ އޮފީހުގެ އިސްވެރިޔާ އެންރިކޯ ބޮނިންސެގްނާއެވެ.
