ކޯޓު އަމުރެއްގެ ދަށުން މީހަކު ހައްޔަރު ކުރުމުގެ ތެރޭގައި އަނިޔާވެ އޭނާއަށް ހޮސްޕިޓަލުގައި ދެމުންދާ ކަމަށް ފުލުހުން ބުނެފިއެވެ.
ފުލުހުން ބުނީ ފުލުހުންގެ ބެލުމުގެދަށަށް ގެނައުމުގެ ތެރޭގައި އަނިޔާވެފައި ވަނީ 38 އަހަރުގެ ފިރިހެނަކަށް ކަމަށެވެ.
އޭނާއަށް އަނިޔާވެ ފަރުވާ ދެމުން ދަނީ އައިޖީއެމް ހޮސްޕިޓަލުގައި ކަމަށް ފުލުހުން ބުނެއެވެ.
ފުލުހުންގެ ބެލުމުގެ ދަށަށް އޭނާ ގެންނަން މަސައްކަތް ކޮށްފައި ވަނީ ޑްރަގް ކޯޓްގެ އަމުރެއްގެ ދަށުން މާދަމާ 1 ޖަހާއިރު އެ ކޯޓަށް އޭނާ ހާޒިރު ކުރުމަށް ކަމަށް ފުލުހުން ބުނެއެވެ.
ފުލުހުން ބުނީ މި ހާދިސާގައި ފުލުހުން އަމަލުކުރި ގޮތާ މެދު އާއިލާގެ ސީރިއަސް ކަންބޮޑުވުންތަކެއް ހުރިކަމަށް އާއިލާއިން ބުނެފައިވާ ކަމަށެވެ. އެހެންކަމުން އެކަން ބެލުމަށް، ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑް، ނެޝަނަލް އިންޓެގްރިޓީ ކޮމިޝަން އަދި ހިއުމަން ރައިޓްސް ކޮމިޝަންގައި އެދިފައިވާނެ ކަމަށް ވެސް ފުލުހުން ވަނީ ބުނެފައެވެ.
