ސްރީލަންކާގެ ޔޫޓޯ އެޑިއު ކޮންސަލްޓުން ދޭ ޝަރަފުވެރި ލައިފްޓައިމް އެޗީވްމަންޓް އެވޯޑް ރާއްޖޭގައި އިސްލާމިކް ފައިނޭންސްގެ ރޮނގުން ފާހަގަކޮށްލެވޭ ހިދުމަތްތަކެއް ކޮށްދެއްވާފައިވާ ޕްރޮފެސަރު ޑރ. އާއިޝަތު މުނީޒާއަށް ލިބިވަޑައިގެންފިއެވެ.
މޯލްޑިވްސް އިސްލާމިކް ބޭންކިން އެންޑް ފައިނޭންސް އިންޑަސްޓްރީ ކޮންފަރެންސްގެ 10 އަހަރު ފުރުން ފާހަގަކުރުމަށް މާލޭގެ މީރުމާ ހޮޓެލްގައި ބޭއްވި ރަސްމިއްޔާތެއްގައި މި އެވޯޑް މުނީޒާ އާ ހަވާލުކޮށްދެއްވީ ފިނޭންސް މިނިސްޓަރު ޑރ. މުހައްމަދު ޝަފީގެވެ.
ރާއްޖޭގައި ސުކޫކް މާކެޓް ގާއިމުކުރުމުގައި އިސްކޮށް އުޅުއްވި ޕްރޮފެސަރު ޑރ. މުނީޒާ މި ރަސްމިއްޔާތުގައި ދެއްކެވި ވާހަކައިގައި ވަނީ، ކޮންވެންޝަނަލް ފައިނޭންސްގެ ބާރު ގަދަ މާކެޓެއްގައި އިސްލާމިކް ފައިނޭންޝަލް އިންސްޓްރޫމަންޓްތައް ތައާރަފް ކުރުމުގައި ދިމާވާ ގޮންޖެހުންތަކުގެ މައްޗަށް އަލިއަޅުއްވާލައްވާފައެވެ. އެގޮތުން 2011 ވަނަ އަހަރު ކެޕިޓަލް މާކެޓް ޑިވެލޮޕްމަންޓް އޮތޯރިޓީގެ އޭރުގެ ސީއީއޯ ޝަފީގާގެ އެންގެވުމުގެ މަތިން ސުކޫކް މާކެޓެއް އުފެއްދުމުގެ މަސައްކަތް ފެށި ކަމަށް އޭނާ ވިދާޅުވިއެވެ. އަމިއްލަ ފަރާތްތަކުގެ އިބްތިދާއީ ޝައުގުވެރިކަން ހުރި ނަމަވެސް، ރެގިއުލޭޓަރީ ދަތިތަކާއި އެކަށީގެންވާ ޕްލެޓްފޯމެއް ނެތުމުގެ ސަބަބުން ބޮޑެތި ހުރަސްތަކެއް ކުރިމަތިވި ކަމަށް ޑރ. މުނީޒާ ވިދާޅުވިއެވެ.
އޭނާއަށް ލިބުނު މި ކާމިޔާބީ އަކީ ޑީލިސްޓެޑް ކޮންވެންޝަނަލް މޯގޭޖް ކުންފުންޏެއް ކަމަށްވާ އެޗްޑީއެފްސީގައި އެޗްޑީއެފްސީ އަމްނާގެ ނަމުގައި އިސްލާމިކް ވިންޑޯއެއް އުފެއްދުމުގައި އިސްކޮށް އުޅުމުގެ ތެރެއިންނެވެ. މި މަސައްކަތުގެ ތެރޭގައި ޝަރީއާ ކޮމިޓީއެއް އުފައްދައި އިސްލާމިކް ފައިނޭންސްގެ އުސޫލުތަކަށް ފެތޭ އިނޮވޭޓިވް ޕްރޮޑަކްޓްތައް އުފެއްދުން ހިމެނެއެވެ. އެޗްޑީއެފްސީ އަމްނާ އިފްތިތާހު ކުރެވުނީ މޯލްޑިވްސް އިސްލާމިކް ބޭންކް (އެމްއައިބީ) އާއި އަމާނާ ތަކާފުލްގެ އެހީތެރިކަމާއެކުގައި ކަމަށާއި މި އޮޕަރޭޝަނަލް ލޯންޗް ކުރުމަށް މަގުފަހިވެގެން ދިޔައީ 2013 ވަނަ އަހަރުގައި ކަމަށް މުނީޒާ ފާހަގަ ކުރެއްވިއެވެ.
"2012 ވަނަ އަހަރު އެޗްޑީއެފްސީ އަމްނާ އިފްތިތާހު ކުރީ، މިއީ އަޅުގަނޑުމެންގެ ދަތުރުގައި ވަރަށް މުހިންމު ދަނޑިވަޅެއް. އެހެންނަމަވެސް އިނިޝިއަލް ފަންޑިން ހޯދުމަކީ ގޮންޖެހުމެއްގެ ގޮތުގައި އޮތީ،" ޑރ. އާއިޝަތު މުނީޒާ
އިސްލާމިކް ކެޕިޓަލް މާކެޓް ހިންގުމަށް ބޭނުންވާ ގަވާއިދުތައް ގެޒެޓްކުރުމަށް ރެގިއުލޭޓަރީ ފްރޭމްވޯކްތައް ނެވިގޭޓްކުރުން ހިމެނޭ ކަމަށް މުނީޒާ ވިދާޅުވިއެވެ. އޭނާގެ ހިތްވަރާއި ދުރުވިސްނުންތެރި ލީޑަޝިޕްގެ ސަބަބުން ރާއްޖޭގެ އިސްލާމިކް ފައިނޭންސްގެ މަންޒަރަށް ބަދަލުތަކެއް ގެނައުމުގެ އިތުރުން، މި ސަރަހައްދުގައި ދެމެހެއްޓެނިވި ގޮތެއްގައި މާލީ އަމަލުތައް ހިންގުމަށް މުނީޒާ ވަނީ ނަމޫނާ ދައްކަވާފައެވެ.
ލައިފްޓައިމް އެޗީވްމަންޓް އެވޯޑަކީ އިސްލާމިކް ފައިނޭންސް އެކްސެލެންސްގެ ހަބެއްގެ ގޮތުގައި ރާއްޖެ ހިމެނި، ފައިނޭންޝަލް އިންކްލޫސިވިޓީ އާއި އެތިކަލް ބޭންކިން އުސޫލުތައް ކުރިއެރުވުމަށް ޕްރޮފެސަރު ޑރ. މުނީޒާ ކުރައްވާ މަސައްކަތުގެ އަގު ވަޒަންކުރާ އެވޯޑެކެވެ.
ތިޔަ ބުނާ އިސްލާމީ ފައިނޭންސިންގ ލިބެނީ މާލޭގެ ބިންވެރިންނަށް. ރާއްޖެތެރޭ މީހުންނަށް އަދިވެސް އޮތީ ރިބާ ލޯނު. މި ގައުމުގެ ކަންކަން ބައްޓަންވަނީ މާލެއަށް ބަލާފަ.
ދިވެހިރާއްޖޭގައި އުފެދިފައިވާ ގިނަ މައްސަލަތަށް ހައްލުވާނީި ރާއްޖޭގެ އާބާދީި އެކަށީގެންވާ ވަރަކަށް ބޮޑުވެ އިތުރުވެގެން، އޭރުން ބޭރުގެ ލޭބަރުންނަށް ބަރޯސާވުުން ކުޑަކުރެވޭނެ، ބޭރު ފައިސާ ހިފެހެއްޓޭނެ، ސްކޫލް ، ކޮލެޖް ، ޔުނިވާރސިޓީ ތަކުގައި ކިޔަވާނެ ކުދިންލިބޭނެ، ޤައުމުގެ ކަންކަން އަމިިއްލަޔަށް ހިންގޭވަރު އާބާދީއެއް އޮންނާނެ، ސިޔާސީ ޕާޓީއަށް ވަންނާނެ މީހުންވެސް ތިބޭނެ، އުމުރާޔަށް ގެންދާނެ މީހުންވެސް ލިބޭނެ !