ގިނަ އަދަދެއްގެ ބަނގުރާ ފުޅިތަކަކާއެކު ހުޅުމާލެ ފޭސް އިން ދެ މީހަކު ހައްޔަރު ކޮށްފައިވާ ކަމަށް ފުލުހުން ބުނެފިއެވެ.
ފުލުހުން ބުނީ އެމީހުން ހައްޔަރު ކޮށްފައި ވަނީ ހުޅުމާލެ ފޭސް 1 ޕޮލިސް ސްޓޭޝަނުގެ ފުލުހުން ރަށުތެރެ ޕެޓްރޯލު ކުރަމުން ދިޔައިރު ބާރު ސްޕީޑުގައި ދުއްވާފައި ދިޔަ ޕިކަޕެއް ރޭ 19:51 ހާއިރު ހުއްޓުވައި ބަލައިފާސްކުރުމުގެ ތެރޭގައި ކަމަށެވެ.
އިތުރަށް ފުލުހުން ބުނީ އެ ޕިކަޕު ހުއްޓުވައި، އޭގައި ތިބި މީހުންނާ ސުވާލު ކުރުމުން ތުހުމަތު ކުރެވިގެން އެ ޕިކަޕުގައި ހުރި ފޮށިގަނޑުތަކެއް ބަލައިފާސްކުރި އިރު ބަނގުރާ ކަމަށް ބެލެވޭ އެއްޗެއް ހުރި 150 ފުޅި އާއި ފައިސާތަކެއް ފެނިފައި ވާކަމަށެވެ.
މި މައްސަލައާ ގުޅިގެން ބަނގުލަދޭޝް ދެ ފިރިހެނުން ހައްޔަރު ކޮށްފައި ވާއިރު މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
