ރައީސް ޑރ. މުހައްމަދު މުއިއްޒުގެ ދެކަނބަލުންނަށް ސިހުރު ހެދި ކަމުގެ ތުހުމަތުގައި ފުލުހުން ހައްޔަރު ކޮށްފައިވާ އެންވަޔަރަމަންޓު މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީގެ ދޮޅު އަހަރުގެ ދަރިފުޅަށް ގާތުން ދެވޭނެ ފުރުސަތު ފަހިނުކޮށްދީ އެކަމަށް ހުރަސްއެޅި ކަމަށް ފަތުރާފައިވާ ހަބަރުތައް ފުލުހުން ދޮގު ކޮށްފިއެވެ.
ފުލުހުންގެ ތަރުޖަމާނު، އެސިސްޓަންޓް ކޮމިޝަނަރު އަހްމަދު ޝިފާން ވިދާޅުވީ ފުލުހުންގެ ބަންދުގައި ތިބޭ ފަރާތްތަކަށް ބޭނުންވާ އަސާސީ ހައްގުތައް އަބަދުވެސް އުސޫލުތަކުގައި ވާގޮތަށް އެފަރާތްތަކަށް ޔަގީންކޮށްދޭނެ ކަމަށެވެ. ޝިފާން ވިދާޅުވީ އެމަގުން މިކަންވެސް ހަމަޖެހިފައިވާނެކަން އަންގާފައިވާނެ ކަމަށެވެ.
އަދަދު ނޫހުގައި ރިޕޯޓުކޮށްފައިވާގޮތުން ޝަމްނާޒުގެ އާއިލާއިން އެ ނޫހާ ވާހަކަދައްކަމުން ބަންދުގައި ހުރި ނަމަވެސް ދަރިފުޅަށް ގާތުން ދެވޭނެ ފުރުސަތު ފަހިކޮށްދިނުމަށް ކޯޓުގައި އަދި ޕޮލިސް ސްޓޭޝަނަށް ގޮސް ވެސް އެދުނުކަމަށާއި ނަމަވެސް ދަރިފުޅަށް ގާތުން ދިނުމުގެ ފުރުސަތެއް ޝަމްނާޒަށް ދީފައިނުވާ ކަމަށް ވަނީ ރިޕޯޓުކޮށްފައެވެ. މި ތުހުމަތުތައް އެސިސްޓަންޓް ކޮމިޝަނަރު ޝިފާން ވަނީ ދޮގުކުރައްވާފައެވެ.
ރައީސް ޑރ. މުހައްމަދު މުއިއްޒަށް ސިހުރު ހެދިކަމުގެ ތުހުމަތުގައި ޝަމްނާޒުގެ އިތުރުން 2 މީހަކު ވަނީ ހައްޔަރުކޮށްފައެވެ. މި 3 މީހުން ހައްޔަރު ކޮށްފައި ވަނީ މި މަހުގެ 23 ވަނަ ދުވަހު އެވެ.
ޝަމްނާޒަކީ ރައީސް އޮފީހުގެ މިނިސްޓަރު އާދަމް ރަމީޒުގެ ކުރީގެ އަނބިކަނބަލުންނެވެ. މީގެ ކުރިން މާލޭ ސިޓީ ކައުންސިލްގެ މެންބަރު ކަންވެސް ކުރައްވި ޝަމްނާޒު ހިނގަމުން މިދާ ސަރުކާރުގައި ފުރަތަމަ ބަހައްޓާފައި ހުރީ ރައީސްގެ އަނބިކަނބަލުން ސާޖިދާ މުހައްމަދުގެ އަރިހުގައި މުލީއާގޭގައެވެ.
މި މައްސަލައާއި އެކު އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރުގެ މަގާމުން ޝަމްނާޒް ވަނީ ވަކިކޮށްފައެވެ.
ސިހުރުހެދީ ކޮންކަމަކަށް ވެސް ކޮންބޭނުމަކަށްވެސް އެނގެން ޖެހޭނެތާ ހަމަތިބިފާ ސިހުރުހަދައިފި ކިއަކަސް ކަމަކުނުދާނެ.
މައްސަލަ ބަލާނިމުނީމަތާ ސިހުރު ހެދީ ކީއްކުރަން ކަން އެނގޭނީ. ސިހުރު ހެދީމަ ހެދިޔޭދޯ ބުނާނީ.