ރޭ މާލެ، މެދުޒިޔާރަތް މަގު ހޮޓެލް ޖެން ކައިރީގައި ޕާކުކޮށްފައި ހުރި ސައިކަލުތަކެއްގައި ރޯކޮށްލައިފިއެވެ.
ފުލުހުން ބުނީ ހޮޓެލް ޖެން ކައިރީގައި ޕާކުކޮށްފައި ހުރި ސައިކަލުތަކެއްގައި ރޯކޮށްލާފައިވާ ކަމުގެ ރިޕޯޓް ރޭ 3:03 ހާއިރު ފުލުހުންނަށް ރިޕޯޓްކޮށްފައިވާކަމަށެވެ. އަލިފާން ރޯވުމާއި ގުޅިގެން 7 ސައިކަލާއި ވޭނަކަށް ގެއްލުން ލިބިފައިވާއިރު ފުލުހުން ބުނީ މީގެ ތެރެއިން 3 ސައިކަލު ބޭނުން ނުކުރެވޭ ވަރށް އަދާފައިވާކަމަށެވެ.
އިތުރަށް ފުލުހުން ބުނީ މި މައްސަލައާއި ގުޅިގެން އަދި އެއްވެސް މީހަކު ހައްޔަރުކޮށްފައި ނުވާކަމަށެވެ. އެހެންނަމަވެސް އަލިފާން ރޯކޮށްލި މީހާ ދެނެގަނެވިފައިވާކަމަށް ފުލުހުން ވަނީ ބުނެފައެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
