ހުޅުމާލެ ފޭސް2 ގެ ޓާވަރެއްގެ އެޕާޓްމަންޓަރަށް މީހުން ގެންގޮސް ފޭރެމުންދާ މައްސަލަ ރިޕޯޓްކޮށްފައިވާކަމަށް ފުލުހުން ބުނެފިއެވެ.
ފުލުހުން ބުނީ އެކިއެކި ވާހަކަދައްކައިގެން މީހުން އެޕާޓްމަންޓަށް ގެންދާ މައްސަލަ ބަލަމުން އަންނަކަމަށެވެ. މީގެ އިތުރުން ފުލުހުން ވަނީ ކާކުކަން ނޭގޭ ނުވަތަ ގޮތްނޭގޭ މީހުން މި ގޮތަށް ތަންތަނަށް ދާން އެދުނު ކަމުގައި ވިޔަސް ނުދިއުމަށް އިލްތިމާސްކޮށްފައެވެ.
މި މައްސަލައާއި ގުޅިގެން ސޯޝަލްމީޑިއާގައި ގިނަ ވާހަކަތަކެއް އަންނަނީ ދައުރުވަމުންނެވެ. އެ ގޮތުން ފޭސް2 ގެ ބައެއް ޓަވަރު ތަކުގައި ފިރިހެނުން 'ކިޑްނެޕް' ކުރަމުންދާކަމަށް ބުނެ މިކަމަށް ސަމާލުވުމަށް އަންނަނީ ގޮވާލަމުންނެވެ. މީގެ އިތުރުން އާއްމުންގެ އެކުވެރި ގުޅުން ޖަމްއިއްޔާގެ ރައީސް މިދުއަމް ސައުދު ކުރި ޕޯސްޓެއްގައި ވިދާޅުވީ އެންމެ ފަހުން މިފަދަ ކަމެއް ހިނގާފައިވަނީ އެޗް5 ފްލެޓެއްގައި ކަމަށެވެ.
އެކަން ހިނގި ގޮތް ހިއްސާކުރަމުން މިދުއަމް ބުނީ އަންހެން ކުއްޖަކު، ފްލެޓު ސަރަހައްދުން އުމުރުން ދޮށީ ފިރިހެނުންނަށް ޓާގެޓް ކޮށް ވާހަކަ ދައްކަން ފަށިކަމަށާއި އޭނާ ދިރިއުޅެމުންދާ ފްލެޓަށް ދިއުމަށް ދައުވަތު ދިންކަމަށެވެ. އަދި ފްލެޓަށް ވަންނަ ހިސާބުން ފިލާ ތިބޭ ދެތިން ފިރިހެނުން ދޮރު ތަޅުލާކަމަށް އެ ޕޯސްޓުގައި ބުނެފައިވެއެވެ.
އެންމެ ފަހުން ހިނގި ކޭސްގައި، ފިރިހެންމީހާގެ އަންނައުނު ގަދަކަމުން ބާލުވާ، އޭނަގެ ވީޑިއޯކޮށް، އަންހެނެއް ކައިރިއަށް ވަދެ އޮތްވާ ނެގި ވީޑިއޯ ގޮތުގައި ލީކު ކުރާނެ ކަމަށް ބުނެ، އެކައުންޓުގައި ހުރި ލާރި އެމީހުން ބުނާ އެކައުންޓަަކަށް ޓްރާންސްފާ ކުރަން މަޖުބޫރުކުރުވި ކަމަށެވެ. އަދި އަތުގައި ހުރި ހުރިހާ އެއްޗެއްވެސް ހޯދާކަމަށް މި ޕޯސްޓުގައި ބުނެފައިވެއެވެ.
އިތުރަށް އެ ޕޯސްޓުގައި ވަނީ މީގެ މަދު ހާދިސާތަކެއް ފުލުހުންނަށް ރިޕޯޓުކޮށްފައިވީނަމަވެސް، ކަމުގެ ބާވަތުގެ ގޮތުން ގިނަ މީހުން ރިޕޯޓު ނުކުރާކަމަށާއި އެވާހަކަ ދައްކަންވެސް ބޭނުމެއް ނުވާކަމަށެވެ.
އެދުމާގެން ހޭބަލިވީމާ ތިޔަފަދަ ކިތަންމެ ކަމެއް ވާނެ....