ރާއްޖޭގެ 3 ސަރަހައްދެއްގައި އަލަށް އިމާރާތްކުރާ މިސްކިތްތަކުގެ ޑިޒައިން ނިމިފައިވާ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މި މިސްކިތްތައް ބިނާކުރުމަށް ހަމަޖެހިފައި ވަނީ ހުޅުމާލެ ފޭސް 2 އަދި ރ. އަލިފުށީގެ އިތުރުން އައްޑޫ ސިޓީގައެވެ. އަމިއްލަ ފަރާތްތަކުގެ ހަރަދުގައި ތިން މިސްކިތެއް އެޅުމުގެ އެއްބަސްވުމުގައި މި އަހަރު ޖެނުއަރީ 24 ވަނަ ދުވަހު ސޮއިކޮށްފައި ވާއިރު އެކަމަށް ބޭނުންވާ ބިމާ އަދި ބޭނުންވާ އިދާރީީ އެހީތެރިކަން ސަރުކާރުން އަންނަނީ ފޯރުކޮށްދެމުންނެވެ.
މިނިސްޓަރު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ 300، 500 އަދި 700 މީހުންގެ ޖާގައިގެ އަލަށް އިމާރާތްކުރާ މިސްކިތްތަކުގެ ޑިޒައިންތައް ނިމިފައިވާ ކަމަށެވެ. މި މިސްކިތްތައް ފަރުމާކޮށްފައި ވަނީ މަޝްރޫއުގެ ބައެއްގެ ގޮތުގައި ސޯލާ ހަރުކުރެވޭ ގޮތައްކަން ފާހަގަކޮށް މިނިސްޓަރު ވިދާޅުވީ މިސްކިތްތަށް އިމާރާތްކޮށް ނިމޭ އިރު ހުންނާނީ އޭސީ ވެސް ހަރުކުރެވިފައި ކަމަށެވެ.
މީގެ އިތުރުން މިނިސްޓަރު ވިދާޅުވީ ރިޔަން އިން ފަރުމާ ކޮށްފައިވާ މި މިސްކިތްތައް ބިނާކުރުމުގެ މަސައްކަތް ޖޫން މަހު ފެށިގެން ދާނެކަމަށެވެ.
ވާރެއާއި އަވިން ފައިވާން ރައްކާތެރި ކުރާނެ ތަނެއް ހުންނާނެބާ؟