އުރީދޫ މޯލްޑިވްސްއިން ސެމްސަންގް S24 ސީރީޒްގައި ހިމެނޭ 3 މޮޑެލްގެ ޕްރީ އޯޑާއަށް ހުޅުވާލައިފިއެވެ.
ސެމްސަންގް S24 ސީރީޒްގެ 3 މޮޑެލްގެ ގޮތުގައި ހިމެނެނީ ސެމްސަންގް ގެލެކްސީ S24، ސެމްސަންގް ގެލެކްސީ S24 ޕްލަސް އަދި ސެމްސަންގް ގެލެކްސީ S24 އަލްޓްރައެވެ.
ސެމްސަންގް S24 ސީރީޒް ޕްރީ އޯޑާ ކުރުމުގެ ފުރުސަތު އުރީދޫއިން ރޭ 12:00ގައި ވަނީ ހުޅުވާލާފައެވެ. އަދި ޕްރީ އޯޑާ ކުރުމުގެ ފުރުސަތު އަންނަ މަހުގެ 6 ވަނަ ދުވާހާ ހަމައަށް އޮންނާނެ ކަމަށް އުރީދޫއިން ބުނެއެވެ.
އުރީދޫގެ އީ-ކޮމާސް ޕްލެޓްފޯމް މޫލީ މެދުވެރިކޮށް އޯޑާ ކުރުމުގެ ފުރުސަތު ހުޅުވާލާފައި ވާއިރު، ޕްރީ އޯޑާ ކުރާ ކަސްޓަމަރުންނަށް ގިނަ ފައިދާ ތަކެއް ލިބިގެންދާނެ ކަމަށް ވެސް އުރީދޫއިން ވަނީ ބުނެފައެވެ.
ޕްރީ އޯޑާ ކުރާ ފަރާތްތަކަށް ލިބިގެންދާ ހަދިޔާ:
- ޕްރީ އޯޑާ ކުރާ ކޮންމެ ކަސްޓަމަރަކަށް ސެމްސަންގް ގެލެކްސީ ގަޑިއެއް
- ޕްރީ އޯޑާ ކުރާ ކޮންމެ ކަސްޓަމަރަކަށް 100 ޖީބީ ބޯނަސް ޑޭޓާ
- އެޑޯބް ފޮޓޯޝޮޕް ލައިޓްރޫމްގެ 2 މަހުގެ ޕްރީމިއަމް އޮފާ
- އެޑޯބް އެކްސްޕްރެސް ގެ 2 މަހުގެ ޕްރީމިއަމް އޮފާ
- ފުރަތަމަ ޕްރީ އޯޑާ ކުރާ 24 ކަސްޓަމަރުންނަށް 1000 ރުފިޔާގެ މޫލީ ވައުޗާ
އުރީދޫ މޯލްޑިވްސް ދަނީ އެންމެ ފަހުގެ ޓެކްނޮލޮޖީ އަދި ޑިވައިސްތައް ދިވެހިންނަށް ފޯރުކޮށްދިނުމަށް ސެމްސަންގް ފަދަ އިންޑަސްޓްރީގެ ފުންނާބުއުސް ކުންފުނިތަކާއެކު ވަރަށް ގާތުން މަސައްކަތްކުރަމުންނެވެ.
