ސިވިލް ކޯޓު ހިންގުން ވަގުތީގޮތުން އެ ކޯޓުގެ ގާޒީ ފަރުހާދު ރަޝީދުއާ ހަވާލުކޮށްފިއެވެ.
ސިވިލް ކޯޓު ހިންގުން ވަގުތީ ގޮތުން ގާޒީ ފަރުހާދު ރަޝީދު އާ ހަވާލުކުރީ އެ ކޯޓްގެ އިސްގާޒީ އަހްމަދު ނިމާލު ޖުނައިދު ކުއްލި ގޮތަކަށް އަވަހާރަވުމާ ގުޅިގެންނެވެ. ނިމާލު އަވަހާރަވީ މި މަހުގެ 20 ވަނަ ދުވަހުގެރޭގެ ވަގުތެއްގައި ހާޓްއެޓޭކެއް ޖެހި ހާލު ސީރިއަސްވުމާ ގުޅިގެން ފަރުވާ ދެއްވަމުން ގެންދަވަނިކޮށެވެ.
އެކަމާ ގުޅޭގޮތުން ޖުޑީޝަަލް ސަރވިސް ކޮމިޝަން (ޖޭއެސްސީ) އިން ބުނީ، ސެޕްޓެންބަރު 20 2023 ވަނަ ދުވަހުން ފެށިގެން، ސިވިލް ކޯޓު ހިންގުން ވަގުތީގޮތުން އެ ކޯޓުގެ ގާޒީ އަލްއުސްތާޒު ފަރުހާދު ރަޝީދުއާ ހަވާލުކުރުމަށް ކޮމިޝަނުން ނިންމާފައި ވާކަމަށެވެ.
ގާޒީ ނިމާލު އަވަހާރަވުމާ ގުޅިގެން، ދިވެހިރާއްޖޭގެ އުއްތަމަފަނޑިޔާރު ވަނީ ސެޕްޓެމްބަރު މަހުގެ 20 ވަނަ ދުވަހުން ފެށިގެން ކުރިއަށް އޮތް 3 ދުވަހު ޝަރުއީ ދާއިރާގެ ދިދަ ބައިދަނޑިއަށް ތިރި ކުރުމަށް ނިންމަވާފައެވެ.
