ކަލާޒް ޗެނަލުން ގެނެސްދޭ މަޝްހޫރު ރިއަލިޓީ ޝޯ "ބިގް ބޮސް" ސީޒަން 17 ގެ ޕްރޮމޯ ދައްކާލައިފިއެވެ.
ބިގް ބޮސް (ޝޯގެ ހޯސްޓު)ގެ ތަފާތު ލުކްތަކެއް ފެނިގެންދިޔަ މި ޕްރޮމޯ ދެއްކިއިރު ރިޕޯޓްތައް ބުނާގޮތުގައި މިފަހަރުގެ ޝޯ އެހެން ފަހަރުތަކަށް ވުރެ މާ ވަރުގަދަ ވާނަ ކަމަށެވެ. އަދި މިފަހަރުގެ ޝޯގައި ބައިވެރިވާނެ ތަރިންނަކީ ކައިވެނިކޮށްގެން އުޅޭ ތަރިންގެ އިތުރުން ކައިވެނި ރޫޅިފައިވާ ތަރިންނަށް ކަމަށްވެސް ރިޕޯޓްތައް ބުނެއެވެ. މި ފަހަރުގެ ޝޯގައި ބައިވެރިވާނެ ކަމަށް އަޑުއަރާފައިވާ ބައެއް ތަރިންނަކީ "ގުމް ހޭ ކިސީކޭ ޕިޔާރު މޭ" އިން ފެނިގެންދިޔަ އައިޝްވާރިޔާ ޝަރްމާ އާއި ނީލް ބަޓްއެވެ. އަންކިތާ ލޯކަންޑޭ އާއި ވިކީ ޖެއިން އެވެ. ޓިކްޓޮކް އިން މަޝްހޫރުވި އަވޭޒް ދަރުބާރު އާއި އަންޖަލީ އަރޯރާ ވެސް މިފަހަރުގެ ސީޒަންގައި ބައިވެރިވާނެ ކަމަށް ބެލެވެއެވެ.
ބޮލީވުޑްގެ އެންމެ ކާމިޔާބު ޑައިރެކްޓަރުންގެ ތެރޭގައި ހިމެނޭ ރޯހިތު ޝެޓީ ހޯސްޓްކުރަމުން އަންނަ "ހަތުރޯން ކޭ ކިލާޅީ" ސީޒަން 13 ނިންމާލުމަށްފަހު ބިގް ބޮސް އަންނަ މަހު ގެނެސްދޭނެއެވެ. ޒުވާބު ކުރުމާއި ބޮޑެތި ޑްރާމާތައް ފެނިގެންދާ މި ޝޯ އަކީ ގިނަ ބަޔަކަށް ކަމުދާ ޝޯއެކެވެ. މިހާގެ އަސްލު ދިރިއުޅުމުގައި އުޅޭ ގޮތާއި އޭނާގެ މިޒާޖު ވަރަށް ރަގަޅަށް ފެނިގެންދާ މި ޝޯ އަކީ ވަރަށް ގިނަ ދިވެހިންވެސް ބަލަމުން އަންނަ ޝޯއެކެވެ.
އެންމެ ފަހުން ގެނެސްދިން ބިގް ބޮސް ސީޒަން 16 ކާމިޔާބުކުރީ އެމްސީ ސްޓޭންއެވެ. އެމްސީ އާއި އެންމެ ކައިރިން ވާދަ ކޮށްފައިވަނީ ޝިވް ތާކްރޭ އެވެ. ދެވަނަ އަށް އޭނާ ދިޔައިރު ތިން ވަނަ އަށް ގޮސްފައިވަނީ ޕްރިޔަންކާ ޗަހާރް ޗޯދަރީއެވެ.
