ކ. ކާށިދޫގައި ޑްރަގް ރިހެބިލިޓޭޝަން ސެންޓަރެއް ގާއިމް ކޮށްދެއްވާނެ ކަމަށް ޕީޢެންސީގެ ކެންޑިޑޭޓު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު މިފަދައިން ވިދާޅުވީ، ރިޔާސީ ކެމްޕެއިންނަށް ކުރައްވާ ދަތުރުގެ ތެރެއިން ކ. ތުލުސްދުއަށް ވަޑައިގެން އެ ރަށުގައި ކުރިއަށް ގެންދިޔަ ކެމްޕެއިން ޖަލްސާގައި ވާހަކަ ދައްކަވަމުންނެވެ.
މުއިއްޒު ވިދާޅުވީ، އެސަރަހައްދުގައި ޑަރްގް ރިހެބިލިޓޭޝަން ސެންޓަރެއް ގާއިމް ކުރުމަށް މެނިފެސްޓޯގައި ހިމަނާފައިވާނެ ކަމަށާއި އެ ސެންޓަރު ކާށިދޫގައި އެޅުމަށް ނިންމާފައިވާ ކަމަށެެވެ.
މުއިއްޒު ވަނީ ގައުމު ތަރައްގީ ކުރުމުގައި އެއްވެސް ވަރަކަށް ފަހަތައް ޖެހިވަަޑައިނުގަންނަވާނެ ކަމަށް ވިދާޅުވެ ރައްޔިތުން މި އިންތިހާބު އެއްބުރުން ކަމިޔާބު ކޮށްދޭނެ ކަމުގެ ޔަގީންކަން އޮތް ކަމަށް ވެސް ވިދާޅުވެފައެވެ.
މިރޭގެ ޖަލްސާގައި ވެސް މުއިއްޒު ވަނީ މިސަރުކާރުން ފަށާފައިވާ މަޝްރޫއުތައް ބާރު ސްޕީޑުގައި ކުރިއަށް ގެންދަވާނެ ކަމުގެ ޔަގީންކަން ދެއްވާފައެެވެ.
ކެމްޕެއިނު ދަތުރުތައް މިރޭ ނިންމަވާކަން ފާހަގަކުރައްވާ މުއިއްޒު ވިދާޅުވީ، އެވަގުތުތަކުގެ ތެރޭގައި ވަރަށް ގިނަ ރަށްތަކަށް ވަޑައިގެންފައިވާ ކަމަށެވެ.
ވަަޑައިނުގެންނެވޭ ރަށްރަށަށް ނައިބު ވަޑައިގަންވަމުންދާ ކަން މުއިއްޒު ވިދާޅުވިއެވެ،
މުއިއްޒު ވަނީ ހުރިހާ ރަށެއްގެ ރައްޔިތުންނަށް ޝުކުރު އަދާކުރައްވާ ބާކީ ތިން ދުވަހަކީ ރަށްޔިތުން ވަރުގަދަ މަސައްކަތެއް ކުރާނެ ދުވަސްތަކެއް ކަމަށް އުންމީދު ކުރައްވާ ކަމަށް ވިދާޅުވެފައެވެ.
އިތުރަށް މުއިއްޒު ވިދާޅުވީ ގައުމު އިސްކުރުމުގައި އެއްވެސް ވަރަކަށް ފަހަތަށް ޖެހިވަޑައި ނުގަންނަވާނެ ކަމަށާއި އަދި ގައުމު ސަލާމަތް ކުރަން ރައްޔިތުން އެއްބުރުން އިންތިހާބު ކާމިޔާބު ކޮށްދޭނެ ކަމާމެދު ޝައްކު ނުކުރައްވާ ކަމަށެވެ.
