މިސަރުކާރުން މަގުމަތަކާއި ފެނާއި ނަރުދަމާގެ ނިޒާމައި ބަނދަރުގެ މަސައްކަތް ކުރި ނަމަވެސް ފައިސާ ހަރަދުވާ ގޮތް ނުބަލާ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ، ދަ ޑިމޮކްރެޓްސް އިން ރޭ ބ. ތުޅާދޫގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ. ނަޝީދު ވިދާޅުވީ، ދަރަނި ނަގައިގެން އުމްރާނީ ބޮޑެތި މަޝްރޫއުތައް ހިންގުމަކީ މިއަދު ރާއްޖެ ފަދަ މެދު އާމްދަނީގެ ގައުމުތަކަށް ކުރިމަތިވެފައިވާ އެންމެ ބޮޑު މައްސަލަ ކަމަށެވެ.
މިފަދަ އުމްރާނީ ވަސީލަތްތަކުގެ ސަބަބުން ރައްޔިތުންގެ އާމްދަނީއަށް ބަދަލު އަންނަން ޖެހުނު ނަމަވެސް މިކަމުން އާމްދަނީއަށް އަސަރު ކުރާ މިންވަރު ފާހަގަވުމަށް ނޫނީ އުފުލަށް އަހަރުތަކެއް ނަގާ ކަަމަށް ވެސް ނަޝީދު ވިދާޅުވިއެވެ. ނަޝިދު ވިދާޅުވީ، އުމްރާނީ މަސައްކަތްތައް ކުރާއިރު، ރައްޔިތުންގެ އާއްމު ހާލަތު ރަނގަޅު ކުރުމަށް، އިތުރު މަސައްކަތްތައް ކުރަން ޖެހޭ ކަމަށެވެ. ނޫން ނަމަ ބިނާ ކުރާ އުމްރާނީ ވަސީލަތްތަކުގެ ބޭނުން ނުހިފިދާ ކަމަށް ނަޝީދު ވިދާޅުވިއެވެ.
ނަޝީދު ވިދާޅުވީ، އަދުގެ ސަރުކާރުން އައީ ހަމައެކަނި ބަނދަރެއް ހަދަން ކަމަށެވެ. ނަމަވެސް ބަނދަރުމައްޗެއްގައި ފިހާރަތަކާއި، މާރުކޭޓާއި، އަދި ބަނދަރަށް ލަފާ ފުރާ އުލަނދުތަކުން ތަކެތި އުފުލާ ނެގޭނޭގޮތް ހަދަންޖެހޭ ކަމަށާއި، ޑިމޮކްރެޓުންގެ ސިޔާސަތަކީ މިމަގުން ކަންކަން ކުރިއަށްގެންދިއުން ކަމަށް ނަޝީދު ވިދާޅުވިއެވެ.
ދިވެހި ދައުލަތުގެ އާމްދަނީ އިންތިހާއަށް އުފިލި އެތައް ގުނައެއް ވެއްޖެ ކަމަށާއި މިދިޔަ 15 އަހަރު ތެރޭގައި ރާއްޖޭގެ އެކި ރަށްރަށުގައި އުމްރާނީ ގިނަ ވަސީލަތްތައްވެސް ގާއިމް ކުރެވިއްޖެ ކަމަށް ނަޝީދު ވިދާޅުވިއެވެ.
ނަޝީދު ވިދާޅުވީ، މި ސަރުކާރުގެ ދަރިނިވެސް ވެގެން މި ދަނީ ވަކި އަތަކަށް މީހުން ލެންބުމަށް ބޭނުން ކުރާ ވަސީލަތަކަށް ކަމަށެވެ. އަދި މި ދޭ ފައިސާއަކުން ކަމެއް ހިންގާ ތަނެއް ފެނިގެން ނުދާ ކަަމަށްވެސް ނަޝީދު ވިދާޅުވިއެވެ.
މަޖިލީސްގެ ބޭނުންތެރިކަން ރައީސް ހޯދަން ޖެހިވަޑައިގަންނަވަނީ ނޭދެވޭ ގޮތްތަކުން ކަމަށާއި، ހިންގާ ކޮންޓެރްކްޓް ތަކެއްގެ ބޭނުން ކުރައްވައިގެން ކަމަށް ނަޝީދު ވިދާޅުވިއެވެ. އަދި އެއީ އެމަނިކުފާނު ދެކެވަޑައިގަންނަވާ ގޮތުގައި ތަރައްގީއަށް އެޅޭ ވަަރަށް ބޮޑު ހުރަހެއް ކަަމަށް ވެސް ނަޝީދު ވިދާޅުވިއެވެ.
