ސީޝެލްސްގެ ރައީސް ވޭވެލް ރާމްކަލާވަން ރަސްމީ ދަތުރުފުޅެއްގައި ރާއްޖެ ވަޑައިގަންނަވަން ހަމަޖެހިއްޖެއެވެ.
ރައީސް ރާމްކަލާވަން، ރާއްޖެއަށް ކުރައްވާ ތިން ދުވަހުގެ ދަތުރުފުޅުގައި އާދިއްތަ ދުވަހު ރާއްޖެ ވަޑައިގަތުމަށް ހަމަޖެހިފައިވާއިރު ސަލާމަތީ ބާރުތަކުން އަންނަނީ އެ މަނިކުފާނުގެ ދަތުރުފުޅަށް ތައްޔާރުވަމުންނެވެ.
މިގޮތުން ސަލާމަތީ ސަބަބުތަކަށްޓަކައި ލޯކަލް މާރުކޭޓް ސަރަހައްދުން ފެށިގެން އިއްޒުއްދީން ފާލަމާ ހަމައަށް މާލޭގެ ޖެޓީ ބަންދު ކުރުމަށް ފުލުހުން ވަނީ ނިންމާފައެވެ. މީގެ އިތުރުން ފުލުހުން ވަނީ އެސަރަހައްދުގެ ފަޅުގައި އަޅާފައިވާ އުޅަނދުތައް ޖޫން 11 ވަނަ ދުވަހުގެ މެންދުރު 12:00 ގެ ކުރިން ނެގުމަށް އަންގާފައެވެ.
އިތުރަށް ފުލުހުން ވަނީ ފަޅަށް ވަދެ ނުކުމެ ހެދުމުގައި، މެރިން ޕޮލިހާ، ކޯސްޓުގާޑުގެ އިރުޝާދާ އެއްގޮތަށް އުޅަނދުތަކުގެ ކެޕްޓަނުން އަމަލުކުރުމަށް އިލްތިމާސްކޮށްފައެވެ.
ރައީސް އިބްރާހީމް ސޯލިހް ވެރިކަމާ ހަވާލުވެ ވަޑައިގެން އެންމެ ފުރަތަމަ ރަސްމީ ދަތުރުފުޅެއްގައި ވަޑައިގެންނެވި ގައުމުތަކުގެ ތެރޭގައި ސީޝެލްސް ހިމެނެއެވެ. އެހެންނަމަވެސް މިއީ ރައީސް ސޯލިހް ވެރިކަމާ ހަވާލުވެ ވަޑައިގެންނެވި ފަހުން ސީޝެލްސްގެ ވެރިއަކު ރާއްޖެ ވަޑައިގަންނަވާ ފުރަތަމަ ފަހަރެވެ.
ކެމްޕޭނަށް ލާރި ހިފައިގެން އަންނަނީ ޗޯރްކަލޭގެ