ގއ. ދާންދޫ ޕޮލިސް ސްޓޭޝަނުގެ ބެލުމުގެ ދަށުގައި ހުރި މީހަކު ރޭ ފިލާފައިވާ ކަމަށް ފުލުހުން ބުނެފިއެވެ.
ފުލުހުން ބުނީ މަސްތުވާތަކެތީގެ މައްސަލައެއްގައި ރޭ ދާންދޫ ޕޮލިސް ސްޓޭޝަނަށް ގެންގޮސްފައި ހުރި މީހަކު 12:57 ހާއިރު ފިލާފައި ވާކަމަށެވެ. އަދި އެމީހާ ހޯދުމުގެ މަސައްކަތް ފުލުހުން ކުރަމުންދާ ކަަމަށް އެ އިދާރާއިން ވަނީ ބުނެފައެވެ.
މިކަމާ ގުޅޭ އިތުރު ތަފްސީލް ފުލުހުން ހާމަކޮށްފައި ނުވާއިރު ފަހަކަށް އައިސް ފުލުހުންގެ ބެލުމުގެ ދަށަށް ގެންދާ މީހުން ފިލާ މައްސަލައިގައި ދަނީ ސުވަލު އުފެދެމުންނެވެ.
މި މަހުގެ 06 ވަނަ ދުވަހު އއ. ރަސްދޫ ޕޮލިސް ސްޓޭޝަނުގެ ގޮޅިއެއްގައި ބަންދުގައި ހުރި މީހަކު ފިލާފައި ވާއިރު އޭނާ ފެނުނީ ރަސްދޫ ކައިރީގައި އޮންނަ ރަށެއްގެ ފަޅުތެރެއިންނެވެ.
މި މީހާ ފިލި މައްސަލައިގައި ފުލުހުންނަށް ގިނަ ފާޑުކިޔުންތަކެއް އަމާޒުވެފަ އިވާއިރު އޭރު ފުލުހުން ވަނީ އާންމުންގެ ހިތްތަކުގައި ބިރުވެރިކަން އުފެދޭ ގޮތަށް ސައްހަނޫން ދޮގު މައުލޫމާތު ސޯޝަލް މީޑިއާ ޕްލެޓްފޯމުތަކުގައި ނުފެތުރުމަށް ވެސް އިލްތިމާސް ކޮށްފައެވެ.
