ތިން ރަށުގެ އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ (ބައި-އިލެކްޝަން) އިންތިހަބާކާއި ނުލާ ޕީޕީއެމް އިން ކަމިޔާބު ކޮށްފިއެވެ.
ޕީޕީއެމް އިން ބުނީ، ޖޫން 17، 2020 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ބައި-އިލެކްޝަނަށް ހުޅުވާލި 10 ރަށުގެ ތެރެއިން ށ. މާއުނގޫދޫ އާއި ރ. މީދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުކަން ޕީޕީއެމް އާ ވާދަކުރާނެ ކެންޑިޑޭޓެއްނުވެ އިންތިހާބަކާނުލާ ޕީޕީއެމް ކާމިޔާބުކޮށްފައިވާ ކަމަށެވެ.
ށ. މާއުނގޫދޫގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުކަމަށް ހޮވިފައިވަނީ އާއިޝަތު ހަނީފާ ގަހާ ށ. މާއުނގޫދޫ އަދި ރ. މީދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުކަމަށް ހޮވިފައިވަނީ ވަސީމާ އިބްރާހީމް ފޭރުމާގެ ރ. މީދޫ ކަމަށް ޕީޕީއެމްއިން ބުނެއެވެ.
މީގެ އިތުރުން ގދ. ވާދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުކަމަށް ހޮވުނު ލިއުޝާ އިބްރާހީމް އަކީވެސް ޕީޕީއެމް މެންބަރެއް ކަމަށް ޕީޕީއެމް އިން ފާހަގަކުރެއެވެ.
ލިއުޝާ އަކީ ވެސް އިންތިހާބުވީ ވާދަކުރާނެ އެހެން ކެނޑިޑޭޓަކު ގދ. ވާދޫގައި ނެތުމުންބައި-އިލެކްޝަނަށް ހުޅުވާލި 10 ރަށުގެ ތެރެއިން ފ. ބިލެތްދޫއަށް އެއްވެސް ކެންޑިޑޭޓަކު ކުރިމަތިލާފައިނުވާ ކަމަށް ޕީޕީއެމް އިން ބުނެއެވެ.
ޕީޕީއެމް އިން ބުނީ، ބާކީއޮތް 6 ރަށަށްވެސް ޕީޕީއެމްގެ ކެނޑިޑޭޓުން ވާދަކުރާނެ ކަން ފާހަގަކޮށްފައެވެ.
ގާނޫނުގައި ކުރިން އޮތް ގޮތުން އަންހެނުންގެ ކޮމެޓީތަކުގެ މެމްބަރުން އިސްތިއުފާދީފި ނަމަ، 60 ދުވަހުގެ ތެރޭގައި އަލުން އިންތިހާބު ބާއްވަން ޖެހެއެވެ. ގާނޫނަށް މިހާރު ގެނެސްފައިވާ ބަދަލާއެކު އަންހެނުންގެ ކޮމެޓީތަކުގެ އިންތިހާބު ބާއްވަން ޖެހޭނީ އަހަރަކު އެއް ފަހަރެވެ.
