މީގެ ހަތަރު ދުވަސް ކުރިން ގެއްލިގެން ނުފެނިފައިވާ މޫސާ އަނީސް މިއަދު ފެނިއްޖެއެވެ.
އުމުރުން 32 އަހަރުގެ މޫސާ އަނީސް، ކުންނާރުމާގެ / ލ. މާވަށް ގެއްލިގެން ފުލުހުންނަށް އޭނާގެ އާއިލާ އިން ރިޕޯޓްކޮށްފައި ވަނީ އޭނާގެ ހަބަރެއްވެފައި ނުވާތާ ހަތަރުވަނަ އަށް ވީ ދުވަހުގައެވެ.
މިއަދު ކުރި ޓްވީޓެއްގައި ފުލުހުން ވަނީ އަނީސް ފެނިފައިވާ ކަމަށާއި، އޭނާގެ އާއިލާ އާ މިހާރު ގުޅިފައިވާ ކަން ހާމަކޮށްފައެވެ.
ނަމަވެސް އޭނާ ފެނުނު ވަގުތެއް، ނުވަތަ ތަނުގެ ތަފްސީލެއް ފުލުހުންގެ ޓްވީޓްގައި ބަޔާންކޮށްފައެއް ނުވެއެވެ.
މައުލޫމާތު ލިބިފައިވާ ގޮތުގައި އަނީސް ގެއްލިފައި ވަނީ ފަރުވާ ހޯދުމަށްޓަކައި ޑްރަގް ރިހެބިލިޓޭޝަން ސެންޓަރަށް ދިއުމަށް ހުރިހާ ކަމެއް ހަމަޖެހިފައި ވަނިކޮށެވެ.
