މަސްވެރިންގެ ހައްގުގައި "ލޭނާރު" ގެ ނަމުގައި އިދިކޮޅުން އިހްތިޖާޖް ކުރަން ފަށައިފިއެވެ.
މި އިހްތިޖާޖް ކުރަމުންދަނީ މާލޭ މަސްމާރުކޭޓް ސަރަހައްދުގައެވެ.
ގިނަ ބަޔަކު މިސަރަހައްދުގައި އެއްވެ އިހުތިޖާޖު ކުރަމުންދާއިރު އިހްތިޖާޖްގެ ބައިވެރިން ދަނީރައީސް އިބްރާހިމް މުހައްމަދު ސޯލިހްގެ އިސްތިއުފާއަށް ގޮވަމުންނެވެ. އަދި މި ސަރުކާރުން ނޫ އިގްތިސޯދު މަސްވެރިން ވެފައިވާ ވައުދުތައް ފުއްދުމަށް ވެސް ވަނީ ގޮވާލާފައެވެ.
މީގެ އިތުރުން މަސްވެރިން ބާނާ މަހުގެ ހައްގު އަގު ދިނުމަށް ވެސް ބައިވެރިން ދަނީ ގޮވާލަމުންނެވެ.
މި އިހްތިޖާޖްގައި ޕީޕީއެމް-ޕީއެންސީގެ އިސް ލީޑަރު ވެސް ވަނީ ބައިވެރިވެފައެވެ.
މި ސަރަހައްދުގައި ފުލުހުން ވެސް ދަނީ ހަރަކާތެރިވަމުންނެވެ.
ބާނާ މަހަށް ހަމަ އަގު ހޯދާ ދިނުމާއި މަސްވެރީންނަށް ހާއްސަ ޕްލެޓްފޯމްތަކެއް ގާއިމު ކުރުމާއި ތެލުގެ އަގު ހެޔޮ ކުރުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދުފުޅެކެވެ.
ނަމަވެސް މި ވެރިކަމަށް ހަތަރު އަހަރު ފުރެންދާއިރު މަސްވެރި އާއިލާތައް ނިކަމެތިވަމުންދާ ކަން އިދިކޮޅުން ވަނީ ފާހަގަކޮށްފައެވެ.
