ރައްޔިތުން ބޭނުންވަނީ ބަދަލެއް ކަމަށް ވިދާޅުވެ ބަރުލަމާނީ ނިޒާމެއް ގެންނަން އެމްޑީޕީގެ ރައީސް މުހައްމަދު ނަޝީދު ކޮންގްރެސް އަށް ހުށަހެޅުއްވި ގަރާރު މައްސަލަ އަނބުރާ ގެންދިއުމަކީ ވަރަށް ދެކެން ބޭނުންވި މައްޒަރެއް ކަމަށް އެ ޕާޓީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެއެވެ.
އެމްޑީޕީގެ ކޮންގްރެސް ނިންމުމުގެ ގޮތުން ވާހަކަދައްކަމުން ފައްޔާޒު ވިދާޅުވީ އެ ގަރާރު އަނބުރާ ގެންދިއުމަކީ ވަރަށް ދެކެން ބޭނުންވި މަންޒަރެއް ކަމަށާއި ކޮންގްރެސް އެގޮތައް ނިންމާލެވުމަކީ ރިޔާސީ އިންތިހާބު އެ ޕާޓީން ކާމިޔާބު ކުރަން ލިބުނު ބޮޑު ހިތްވަރެއް ކަމަށެވެ.
އެމްޑީޕީ އަކީ ތަސައްރަފް ފުދިފައިވާ ޕާޓީއެއްކަން މިއަދު ސާބިތުކޮށްދީފައިވާ ކަމަށާއި ކޮންގްރެސް ނިމިގެންދިޔަ ގޮތުން އަންނަ އަހަރުގެ ރިޔާސީ އިންތިހާބު ކާމިޔާބުކުރުމަށް ވަރަށް ބޮޑު ހިތްވަރަކަށް ވެގެންދާނެ ކަމަށާއި އެމްޑީޕީ އަކީ ވަރުގަދަ އަދި ބޮޑު ޕާޓީއެއް ކަމަށެވެ.
އެމްޑީޕީގެ ތެރޭގައި އަދިވެސް ހިޔާލުތަފާތުވުން ވަރަށް ބޮޑަށް އޮންނަކަން ފާހަގަކުރައްވާ ފައްޔާޒު ވިދާޅުވީ އެ ހިޔާލު ތަފާތުވުންތަކުގެ ތެރެއިން ނަތީޖާ ހޯދޭކަން އަބަދުވެސް ދައްކަމުން އަންނަ ކަމަށާއި ކުރިއަށް އޮތް ތަނުގައި ވެސް އެމްޑީޕީގެ އަމަލުތައް ހުންނާނީ އެގޮތަށް ކަމަށެވެ.
އޭގެ އިތުރުން ފައްޔާޒު ވިދާޅުވީ އޭނާގެ ޗެއާޕާސަންކަމުގައި ޕާޓީއަށް ކާމިޔާބު ހޯދުމަށްޓަކައި ކުރަން ޖެހުނު ކޮންމެ ކަމެއް ކުރަން ފަސްނުޖެހި ހުންނާނެ ކަމަށެވެ.
ކިރިޔާވެސް ކަންފުޅެއް އޮތްނަމަ ތިގަރާރު ނުގެންދާނެ ދެންއަތްޖަހާ
ބުނޭނު ދަތްއަޅާނެ ކުއްތާއެއް ވައްވައް ނުޖައްސާނެޔޭ އޭގެ އިދިކޮޅު އަންނިއަކީ ވައްވައް ޖައްސާސަ ދަތް ނާޅާ ވައްތަރު. ޜައީސާ ބެހޭ ކަމެއް ނޫނޭ މިކަމަކާ ނުބެހެވޭނެޔޭ ކިޔައިގެން ފޮނު އަރުވާފަ ސޯލިހު ފެނުނީމަ ފޮނުގަނޑު ހިންދާލީ. އަހުން ހަނދާންވީ މިކަލޭގެެ ވެރިކަމުން އިިސްތިއުފާ ދިން ދުވަސް . ބަނޑޭރިގޭ ތެރޭގަ ސިފައިންނަށްް ކޮމާންޑް ކޮށްކޮށްފަ ޢިރުކޮޅެއް ނުވޭ އިސްތިއުފާ ދިނީ