އަދާލަތުގެ ޕާޓީގެ ދިފާއުގައި އެ ޕާޓީގެ ރައީސް އިމްރާން އަބްދުﷲ ކުރެއްވި ޓްވީޓްތަކަށް ބޮޑެތި ފާޑުކިއުންތައް އަމާޒުވެއްޖެއެވެ.
ވޭތުވެދިޔަ ދުވަސްތަކުގައި، ސަރުކާރު ކޯލިޝަންގެ އެއް ޕާޓްނަރު ޕާޓީ ކަމަށްވާ އަދާލަތުގެ ރައީސްކަން ވެސް ކުރައްވާ އިމްރާން ކުރެއްވި ޓްވީޓްތަކުގައި ވިދާޅުވި ގޮތުގައި؛
- އަދާލަތު ޕާޓީ އުފެދިގެން އައީ ރާއްޖޭގައި ފަނޑުވަމުންދާ ދީނީ އުސޫލުތައް ނެގެހެއްޓުމަށް
- އެ ޕާޓީން އެގޮތުގައި ދެމިއޮންނާނެ
- ބަޔަކު ގަބޫލުކުރިޔަސް ނުކުރިޔަސް އެ ޕާޓީގެ އިލްމުވެރިންނަށް ވުރެ ބޮޑަށް ދީނަށް ހިދުމަތްކުރި ބައެއް ނެތް
- ބަޔަކު ނުރުހުނަސް އެ ޕާޓީން ފަހަތަކަށް ނުޖެހޭނެ
އިމްރާންގެ އެ ޓްވީޓްތަކަށް ފާޑުވިދާޅުވެ، އިދިކޮޅު ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަހްމަދު ޝިޔާމް ވިދާޅުވީ، ސަރުކާރުގައި ހަތަރު އަހަރު ވަންދެން އިސްލާމްދީނަށް ފުރައްސާރަކޮށް، ކީރިތި ރަސޫލާއަށް ހަޖޫޖެހި އިރު، އަދާލަތު ޕާޓީ އޮތީ ހިމޭނުން ކަމަށެވެ.
ޝިޔާމް ވިދާޅުވި ގޮތުގައި، އަދާލަތު ޕާޓީ މިހާރު މަސައްކަތް ކުރަމުން ދަނީ މަދު ބައެއްގެ މަސްލަހަތު ދިފާއުކޮށް، އެ ބައެއްގެ އަމިއްލަ ފައިދާއަށެވެ.
އިބްރާހީމް އުބައިދުގެ ނަމުގައި އިމްރާންގެ ޓްވީޓަށް ރައްދު ދިން މީހަކު ބުނީ، ރާއްޖެ މިހާތަނަށް ދުށް އެންމެ އަނދިރި ދުވަސްތައް ދެކިފައި ވަނީ އިމްރާނުގެ މިނިސްޓަރުކަމުގައި ކަމަށެވެ.
ހަމަ އެއާއެކު، އިމްރާންގެ ޓްވީޓަށް ރައްދުދިން އެހެން މީހަކު ބުނި ގޮތުގައި، އަދާލަތު ޕާޓީ ވުޖޫދުގައި އޮތަސް ނެތަސް، ރާއްޖެއިން އިސްލާމްދީން ފޮހެވިގެނެއް ނުދާނެއެވެ. ބައެއް ދީނީ އިލްމުވެރިންވެސް އިމްރާނަށް ފާޑު ވިދާޅުވެފައި ވާއިރު، އޭގެ އިތުރުން ވެސް އިމްރާންގެ ޓްވީޓްތަކަށް ރައްދު ދިން ގިނަ މީހުން ވަނީ ގައުމުގައި އެކި ކަންކަން ހިނގައި ދިޔަ އިރު، އިމްރާން އެއްވެސް އެއްޗެއް ވިދާޅުނުވާ ކަން އަދި އަދާލަތު ހިމޭނުން އޮތް ކަން ފާހަގަކޮށްފައެވެ.
އަދާލަތު ޕާޓީ އުފެދިގެން އައީ 2005 ވަނަ އަހަރުގައެވެ. އެ ޕާޓީއަށް މި އަހަރު 17 އަހަރު ފުރޭއިރު، އެއީ ރާއްޖޭގައި ތިންވަނައަށް އެންމެ ދުވަސްވީ ސިޔާސީ ޕާޓީއެވެ. ކުރީގެ ރައީސް މައުމޫން އަބްދުލްގައްޔޫމްގެ ސަރުކާރު ފިޔަވައި ވޭތުވެދިޔަ ހުރިހާ ސަރުކާރެއްގައި ވެސް އަދާލަތުގެ ހިއްސާ އޮތް އިރު، އެ ޕާޓީން ދީނީ ބައެއް ކަންކަމުގައި ހަނު އޮންނާތީ، އާންމުންގެ ފަރާތުން އެ ޕާޓީއަށް ދޭތެރެ ދޭތެރެއިން ފާޑުކިއުން އަމާޒުވެއެވެ.
ޖަހާލަތު ޕާޓީ
ޢިމްރާން އާއި އަދިވެސް އެހެންބައެއް ދިވަހިންނަށް ގަބޫލުނުކުރެވުނަސް ހުސެން ސަލާހުއްދީނު އާއީ މުހައްމަދު ޖަމީލު އާއި ނައިބު ތުއްތު އާއި ރައީސް މައުމޫން ކުރެއްވި ވަރު ގެ ޚިދުމަތެއް އަދާލަތު ޕާރޓީ ގެ ދީނީ އިލްމުވެރިނަށް އަދި ނުކުރެވޭ، ނުވެސް ކުރެވޭނެ ދެން އެއްވެސް ބަޔަކައް. އިނގޭ ހަޖަމް ނުވާ ބަޔަކު ތިބޭނެކަން ފުމެ އަރައިގަންނާނެ ކަން. ޙުސެން ސަލާހުއްދީނު އަކީ ރާއްޖޭގައި ޒަމާނީ ތައުލީމު ފެށުމުގެ މައި ތަނބު އަދިރޯދަމު އަޑުއުވޭ ސިޔަރަތުން އާއްމު ރައްޔިތުންނަށް ރަސޫލާ ގެ ސިޔަރަތު ރައްޔިތުން އިނގޭނެ މަގު ތަނަވަސް ކޮއްދިން، ނައިބު ތުއްތު ދީނީ ކަންކަން އޮޅުން ފިލުވައި ދިނުމައް ތުއްތު ކުޑަ ތަރުތީބް، އަދި ބޮޑު ތަރުތީބު ލިޔެ އެޒަމާނުގައި ތިބި މީހުނައްދީނުގެ އެކި ކަން ކަން އޮންނަ ގޮތް ތަފްސީލު ކޮއްދެއްވި، މުހައްމަދު ޖަމީލު ތައުލީމް ދިޔާނާ ، އަދި ދީނިއްޔާތު ދެފޮތްބައި ލިޔުއްވާ ނެރުއްވި، ނަމާދު ކުރާނެ ގޮތާ ވުލޫކުރާނެ ގޮްތް ޒަކާތާ ހައްޖު، މީހުން ހިނަވާނެ ގޮތް ، އީމާންކަމާ،އިސްލާމްކަން އާޚިރައް ދުވަހައް އީމަން ވުމާ އަދި މިފަދަ އެތައްކަމެއް އުގެނުމައް މަގު ފަހި ކޮއްދިން، ރައީސް މައުމޫން އިސްލާ ތައުލީމް ދިނުމައް މަދަރުސާ އުފެއްދެވި، ގާރީން އުފަދާ ރާގާ މަޚުރަޖައް ކިޔަވަން ދަސްކޮއްދެއްވަން ފެށި ، މީގެ އިތުރުން ޕްރަެިމެރީ އުމުރުން ފެށިގެން އަރަބި އިސްލާމީ ތައުލީމް ހޯދަން ބޭނުން ވާ ކުދިނަށް ސްކޯލް ހައްފަވައިދެއްވި، ރައީސް މައުމޫން ވެރިކަމާ ހަވާލު ވި އިރު މި ގައުމުގައި ޝިޔައީން ގެ ޔެރއިން އަެިސް ފެތުރިފައި ވާ ބިދިއަ އާއި ޝިރުކުގެ ތެރާގައި ހިމެނޭ ކަންއޮތީ އިންތިހާއަށް އަށަގެންފައި، ޢޭގެ ތެރޭގައި ޒިޔާރަތް ޒިޔާރަތައް ނަދުރު ބުނުމާއި ، ޒިޔާރަތް ހަދައި ދިދަ ނަގަމުން ދިއުމާ ، މައުލޫދު ކިޔުން ފަދަކަންކަން އޮތް، އެފަދަ ކަންކަން ހުއްޓުވި ގޮްތްތައް އަދި 1979 ކޮންމެ އަހަރަކު ރޯދަމަހު ކޮންމެ ރެޔަކު ތައީސް ރަސްމީ ގެކޮޅު މުލިއާގޭގައި އިހްޔާ ކުރުން ޕްރޮގްރާމް ހިންގާ ދީނާ ބެހޭ އެތާއް މާޢުލޫމަޜައްޔިތުނަޢް ފޯރުކޮއްދިން..
މަައުމޫނުވެސް އިލްމުވެރިން ޖަލަށްލައި އަނިޔާ ކުރި.
ސޭކު އިމްރާނަކީ ޖަހާލަތުގެ އަދިރިކަމުގެ ތެރެޔަށް ވެއްޓި ކެނެރީގޭ ޖާހިލު ގެ އަވާގައި ޖެހި މަގުފުރެދިފައިވާ މީހެއް