ސަރުކާރުން ހިންގާ ހުރިހާ މަޝްރޫއުތަކެއްގެ ވަށައިޖެހިފައިވާ ސިޔާސަތަކީ، އުފެއްދުންތެރި ޒުވާން ޖީލެއް ބިނާކުރުން ކަމުގައި ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވިދާޅުވެއެވެ.
ށ. ފުނަދޫ ސްކޫލަށް 50 އަހަރު ފުރޭ ރަންޔޫބީލް ފާހަގަކުރުމަށް ބޭއްވި ހާއްސަ ޖަލްސާ ޝަރަފުވެރިކޮށްދެއްވާ ދެއްކެވި ވާހަކަފުޅުގައި ރައީސް ވިދާޅުވީ، މިހާރު ސަރުކާރުގެ ވިސްނުމަކީ އެއްވެސް ކުއްޖަކު ބާކީ ނުކޮށް، ހުރިހާ ކުދިންނަށް ކިޔަވައިދީގެން ހުނަރުވެރި ފަންނުވެރި އަދި ބިނާކުރަނިވި ޖީލެއް އުފަންކުރުން ކަމަށެވެ.
މީގެ އިތުރުން މުޖުތަމައުގެ ބަދަހިކަން ދަމަހައްޓައި، ލާމެހިގެން އުޅެން ލޯބިކުރާ ޒުވާނުންތަކެއް އުފެއްދުންކަން އެމަނިކުފާނު ފާހަގަކުރެއްވިއެވެ.
ރައީސް ވިދާޅުވީ، ހިލޭ ޑިގްރީއާ އަދި ރާއްޖޭން ބޭރުން ކިޔެވުމަށް ސަރުކާރުން ފުރުސަތުތައް އިތުރުކޮށްދެއްވާފައިވާ މައިގަނޑު އަމާޒަކީ ވެސް ޒަމާނީ އިލްމުގެ އަލީގައި މީހުން ބިނާ ކުރުން ކަމަަށެވެ.
ރައީސްގެ ވާހަކަފުޅުގައި ސަރުކާރުން މުޅި ރާއްޖޭގެ ސްކޫލްތަކުގެ އުމްރާނީ ތަރައްގީއަށް ކުރާ މަސައްކަތްތަކާއި ތައުލީމީ ދާއިރާއަށް ސަރުކާރުން ގެންނަން އަންނަ ހެޔޮބަދަލުތަކުގެ މައްޗަށް ވެސް އަލިއަޅުވާލެއްވިއެވެ.
އެގޮތުން ސްކޫލްތަކުގެ އުމްރާނީ ތަރައްގީއަށް ރާވާފައިވާ 203 މަޝްރޫއެއްގެ މަސައްކަތް އެކި މަރުހަލާތަކުގައި ކުރިޔަށްދާ ކަމާއި އަދި މިދިޔަ މަހުން ފެށިގެން ޓީޗަރުންގެ މުސާރައަށް ސަރުކާރުން ގެނައި ހެޔޮ ބަދަލުތައް އެމަނިކުފާނު ފާހަގަ ކުރެއްވިއެވެ.
އަސްލުވެސް ތަ؟ފެންނަނީ އެހެން މަންޒަރެއް! އަނެއްކާ އަމާޒަކީ އުފެއްދުން ތެރި ޑްރަގު ލީޑަރުން ނޫންބާ!