ނިމިދިޔަ ހަފްތާގައި ރާއްޖޭން ކޮވިޑަށް ޕޮޒިޓިވް ވެފައި ވަނީ 102 މީހުން ކަމަށް އެޗްޕީއޭއިން ބުނެފިއެވެ.
އެޗްޕީއޭއިން އާންމުކުރި ތަފާސް ހިސާބުތަކުން ދައްކާ ގޮތުގައި މިދިޔަ ހަފްތާގައި 102 މީހުންނަށް ކޮވިޑު ޖެހިފައިވާއިރު އޭގެ ތެރޭގައި މާލެ ސަރަހައްދުން ޕޮޒިޓިވްވި 25 މީހަކާއި ރަށްރަށުން ޕޮޒިޓިވްވި 58 މީހަކު އަދި ހަދަމުންދާ ރަށްރަށުންނާއި ރިސޯޓުތަކުންނާއި ސަފާރީތަކުން ޕޮޒިޓިވްވި 19 މީހަކު ހިމެނެއެވެ.
މިއާއެކު ރާއްޖެގައި ކޮވިޑް 19 ޖެހުނު މީހުންގެ އަދަދު 179،662 އަށް އަރައިފާވާއިރު އެ ބަލީގައި މަރުވި މީހުންގެ އަދަދު ވަނީ 298 އަރާފައެވެ.
ރާއްޖެއިން ކޮވިޑް ކޭސް ފެނި މީގެ ދެ އަހަރުކުރިން މާޗު 12 ވަނަ ދުވަހު ވަނީ ކުއްލި ނުރައްކަލުގެ ހާލަތުވެސް އިއުލާނުކޮށްފައެވެ. އެހެންނަމަވެސް މިދިޔަ މާޗު މަހުގެ 13 ވަނަ ދުވަހު ވަނީ ކުއްލި ހާލަތު އުވާލާފައެވެ.
