އެމްޓީސީސީ އަށް މިދިޔަ އަަހަރު ލިބުނު ފައިދާއިން ހިއްސާއަކަށް 3.50 ރުފިޔާ ބަހަން ނިންމައިފިއެވެ.
މި ގޮތަށް ނިންމީ، ކުރުނބާ މޯލްޑިވްސްގައި މިރޭ ބޭއްވި އެމްޓީސީސީގެ އަހަރީ އާންމު ޖަލްސާގައި ބައިވެރިވި ހިއްސާދާރުންގެ 64 ޕަސެންޓުގެ ވޯޓުންނެވެ. އެމްޓީސީސީން ހިއްސާގެ ފައިދާ ބަހާނީ މި ދިޔަ މަހުގެ 18 ވަނަ ދުވަހާ ހަމައަށް އެ ކުންފުުނީގެ ހިއްސާދާރުންގެ ގޮތުގައި ރަޖިސްޓްރީވެފައިވާ ފަރާތްތަކަށް ކަމަށް އެމްޓީސީސީ ބުނެއެވެ.
އެ ކުންފުނީގެ ހިއްސާއަކަށް 3.50 ރުފިޔާ ބަހަން ނިންމި އިރު މިދިޔަ އަހަރު ސާފު ފައިދާގެ ގޮތުގަައި 272 މިލިއަން ރުފިޔާ ލިބިފައި ވެއެވެ. އޭގެ ކުރީ އަހަރު ފައިދާގެ ގޮތުގައި ލިބިފައި ވަނީ 191 މިލިއަން ރުފިޔާއެވެ.
މިދިޔަ އަހަރު އާމްދަނީގެ ގޮތުގައި 1.97 ބިލިއަން ރުފިޔާ ލިބުނު އިރު، އެއީ 2020 ވަނަ އަހަރު ލިބުނު އާމްދަނީއާ އަޅާ ބަލާއިރު 40 ޕަސެންޓް އިތުރު ވުމެކެބެ. އެ އަހަރު އެމްޓީސީސީ އަށް އާމްދަނީގެ ގޮތުގައި ލިބިފައި ވަނީ 1.3 ބިލިއަން ރުފިޔާއެވެ.
އެމްޓީސީސީގެ ހުރިހާ ހަރަދެއް ކެނޑުމަށް ފަހު ހިއްސާއަކަަށް މިދިޔަ އަހަރު ޖެހުނު މިލްކުވެރިކަމުގެ އަގަކީ 172 ރުފިޔާއެވެ. އޭގެ ކުރީ އަހަރު ހިއްސާއެއްގެ މިލްކުވެރިކަމުގެ އަގަކީ 145 ރުފިޔާއެވެ. އަދި 2019 ވަނަ އަހަރު އެ އަދަދަކީ 123 ރުފިޔާއެވެ.
