ވެލާނާ އިންޓަނޭޝަނަލް އެއާޕޯޓް ހިންގާ އެމްއޭސީއެލްގެ މެނޭޖިން ޑިރެކްޓަރުގެ މަގާމަށް އެޗްޑީސީގެ ކުރީގެ މެނޭޖިން ޑިރެކްޓަރު މަހުޖޫބު ޝުޖާއު ހަމަޖައްސައިފިއެވެ.
އެމްއޭސީއެލްގެ ޑިރެކްޓަރުންގެ ބޯޑުގެ މެމްބަރު ކަމަށާއި މެނޭޖިން ޑިރެކްޓަރުކަމުގެ މަގާމަށް މަހުޖޫބު ވަނީ އައްޔަންކުރައްވާފައެވެ.
މީގެ ކުރިން އެޗްޑީސީގެ މެނޭޖިން ޑިރެކްޓަރު ކަމުގެ މަގާމު އަދާކުރެއްވި މަހުޖޫބު ވަނީ ވެލާނާ އިންޓަނޭޝަނަލް އެއާޕޯޓުގެ ތަރައްގީގެ ކަންކަން ވިލަރެސް ކުރުމަށް ރައީސް އޮފީހުގެ ހާއްސަ މަންދޫބެއްގެ ގޮތުގައި ވެސް މަސައްކަތް ކުރައްވާފައެވެ.
އެމްއޭސީއެލްގެ އެމްޑީގެ މަގާމަށް މަހުޖޫބު ހަމަޖައްސެވީ ނޮވެންބަރު 10 ،2021 ގައި އެ މަގާމުގައި ކުރިން ހުންނެވި ގޯޑަން އެންޑްރޫ ސްޓުވާޓް މަގާމުން ވަކި ކުރެއްވުމާ ގުޅިގެންނެވެ.
އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރަކަށް އިބްރާހިމް ތޯހާ މި މަހު ހަމަޖައްސާފައިވާއިރު އޭނާ މީގެ 4 މަސް ދުވަސް ކުރިން އެކްޓިން އެމްޑީއަކަށް ވެސް ހަމަޖެއްސެވިއެވެ.
