މަޖިލީހުގެ ޖަލްސާތައް ރޯދަ މަހު ޖަލްސާތައް ފަށާނީ ހެނދުނު 10:30 ގައި ކަމަށް ރައްޔިތުންގެ މަޖިލީހުން ބުނެފިއެވެ.
މަޖިލީހުގެ މިއަދުގެ ޖަލްސާގައި މަޖިލީހުގެ ރައީސް މުހައްމަދު ނަޝީދު ވިދާޅުވީ ރޯދަ މަހު ޖަލްސާތަކިގެ ފުރަތަމަ ފުރަތަމަ ދަންފަޅި ކުރިއަށް ދާނީ ހެނދުނު 10:30 އިން މެންދުރު 12:00 އަށް ކަމަށެވެ.
އަދި އެއްގަޑި އިރުގެ ހުސްވަގުތަށް ފަހު މެންދުރު ފަހު 1:00 އިން 2:00 އަށް ޖަލްސާ ކުރިއަށް ގެންދާ ގޮތަށް ހަމަޖެހިފައިވާ ކަމަށް ނަޝީދު ވިދާޅުވިއެވެ.
ނަޝީދު އިތުރަށް ވިދާޅުވީ މަޖިލީހުގެ ޖަލްސާތަކުގެ ގަޑި އެގޮތަށް ހަމަޖެހުނަސް މަޖިލީހުގެ ކޮމިޓީތަކުގެ މަސައްކަތްތައް އެކި ގަޑިތަކުގައި ކުރިއަށް ދާނެ ކަމަށެވެ.
މަޖިލީހުގެ އިތުރުން ރޯދަ މަހާ ގުޅިގެން ގިނަ އިދާރާތަކުން ހިދުމަތްތައްދޭ ގަޑިތަކަށް ބަދަލު ގެނެސްފައެވެ.
މި އަހަރުގެ ކަލަންޑަރުގައިވާ ގޮތުން ރޯދަ މަހުގެ ފުރަތަމަ ދުވަހަކީ އަންނަ ހޮނިހިރު ދުވަހެވެ.
