ކަނޑުމަތިން 12 ކިލޯގެ މަސްތުވާތަކެއްޗާއެކު ބިދޭސީއަކު ހައްޔަރު ކޮށްފިއެވެ.
ފުލުހުން ބުނީ ފުލުހުންގެ ޑްރަގް އެންފޯސްމަންޓާއި އިންޓެލިޖެންސް ގުޅިގެން ކަނޑުމަތީގައި ރޭ ހިންގި މަސްތުވާތަކެތީގެ އޮޕަރޭޝަނެއްގައި 12 ކިލޯގެ މަސްތުވާތަކެއްތި އަތުލައިގަނެފައިވާ ކަމަށެވެ.
މިގޮތުން މި މައްސަލައިގައި އިންޑިއާގެ 37 އަހަރުގެ ފިރިހެނަކު ފުލުހުންގެ ބެލުމުގެ ދަށަށް ގެންގޮސްފައި ވާ ކަމަށް ފުލުހުން ބުނެއެވެ.
މިމައްސަލައިގައި ހައްޔަރު ކުރި އިންޑިއާ މީހަކީ މީގެ ކުރިން ވެސް މަސްތުވާތަކެތީގެ މައްސަލައެއްގައި ދެފަހަރެއްގެ މަތިން ފުލުހުންގެ ބެލުމުގެ ދަށް ގެންދިޔަ މީހެއް ކަމަށް ވެސް ފުލުހުން ވަނީ ބުނެފައެވެ. އެ ދެފަހަރު ފުލުހުން އަމަލު ކުރި ގޮތެއް ނުބުނެއެވެ. އެހެން ކަމުން އޭނާ ފުލުހުން ދޫކޮށްލީ ކަމެއް، މުއްދަތު ޖަހަން ކޯޓަށް ގެންދިޔުމުން ކޯޓުން ދޫކޮށްލީކަމެއް ސާފެއް ނުވެއެވެ.
ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.
