ސިންގަޕޫރުގައި މީގެ ދެ ހަފުތާ ކުރިން ކުރެއްވި ތައިރޮއިޑްގެ ސާޖަރީއަށްފަހު އެމަނިކުފާނުގެ ހާލުކޮޅު ރަނގަޅު ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެއެވެ.
ތައިރޮއިޑް އޮޕަރޭޝަނަށްފަހު ގައުމާ މުހާތަބުކުރައްވާ މިރޭ ރައީސް ވިދާޅުވީ އޮޕަރޭޝަނަށް އެމަނިކުފާނު ސިންގަޕޫރަށް ދިޔަ ދުވަހުން ފެށިގެން ހެޔޮދުއާ ކޮށް ދިން ހުރިހާ ފަރާތްތަކަށް އެމަނިކުފާނުގެ އާއިލާ އާއި ހުދު އެމަނިކުފާނުގެ ފަރާތުން ޝުކުރު އަދާ ކުރައްވާ ކަމަށެވެ.
ތައިރޮއިޑް އޮޕަރޭޝަން ކުރެއްވުމަށް ރައީސް ސިންގަޕޫރަށް ވަޑައިގަތީ މިދިޔަ ފެބްރުއަރީ 23 ގައެވެ. އަދި އެ މަހުގެ 25 ވަަ ދުވަހު ތިން ގަޑިއިރުގެ އޮޕަރޭޝަނެއް ރައީސް ވަނީ ކުރައްވާފައެވެ. އެ ތިން ގަޑިއިރަށް ރައީސުލްޖުމްހޫރިއްޔާގެ މަގާމުގެ މަސްއޫލިއްޔަތުތަކާ ހަވާލުވެވަޑައިގެންފައި ވަނީ އެމަނިކުފާނުގެ ނައިބު ފައިސަލް ނަސީމެވެ.
ދިވެހިރާއްޖޭގެ އިސްލާމިކް މިނިސްޓަރާއި ޚުތުބާ ލިޔުނު މީހުންނަށް ވަކިން ޝުކުރު އަދާކުރަންޖެހޭ. އަދި އެޚުތުބާ މިސްކިތްތަކުގައި ކިޔާލަދިން ޚަތީބުންނަށްވެސް ޝުކުރު ޙައްޤު ވާނެ.