މިދިޔަ ފެބްރުއަރީ މަހު ވަރީގެ 229 މައްސަލައެއް ނިންމާފައިވާ ކަމަށް ފެމިލީ ކޯޓުގެ ތަފާސް ހިސާބުތަކުން ދައްކައިފިއެވެ.
އެ ކޯޓުން މިއަދު ނެރުނު ތަފާސް ހިސާބުތަކުން ދައްކާގޮތުގައި ވަރިވުމަށް 51 މައްސަލަ ހުަށަހަޅާފައި ވާއިރު ވަރު ކުރުމަށް 22 މައްސަލަ ވަނީ ހުށަހަޅާފައެވެ. އަދި ވަރި ސާބިތުކުރުމަށް 51 މައްސަލައެއް ހުށަހަޅާފައިވާ ކަމަށް ވެސް ތަފާސް ހިސާބުތަކުން ދައްކައެވެ.
މީގެ އިތުރުން ވަރިކުރުމަށް ހުށަހެޅި މައްސަލަތަކުގެ ތެރޭގައި 101 މައްސަލަ ނިމުނު އިރު 119 މައްސަލައެއް އަދި ނުނިމެއެވެ. ވަރިވުމަށް ހުށަހެޅި މައްސަލަތކަުގެ ތެރޭގައި 44 މައްސަލަ ނިމުނުއިރު 24 މައްސަލަ އަދި ނުނިމެއެވެ.
ހަމައެހެންމެ ވަރި ސާބިތުކުރުމަށް ހުށަހެޅި މައްސަލަތކުގެ ތެރެއިން 82 ނިމިފައިވާއިރު މި ބާވަތުގެ 55 މައްސަލަ އަދި ނުނިމޭ ކަމަށް ވެސް ތަފާސް ހިސާޞުތަކުން ދައްކައެވެ.
ކުޑަކުދިންނާ ކުޅޭ 7 މައްސަލައެއް މިދިޔަ މަހު ނިންމި އިރު އޭގެ ތެރޭގައި ހަޟާނަތުގެ އެއް މައްސަލއާއި ކުދިންގެ ގާނޫނީ ބެލުންތެރިކަން ކުދިން ފޯސްޓާ ކުރާ ފަރާތާ ހަވާލުކުރުމުގެ 3 މައްސަލަ އަދި ކުދިންގެ ހައްގުތައް ރައްކާތެރިކުރމުގެ އަމުރުގެ 3 މައްސަލަ ހިމެނެއެވެ.
ހަރަދުގެ މައްސަލަތަކަށް ބަލާއިރު މިބާވަތުގެ 12 މައްސަލައެއް ވަނީ މިދިޔަ މަހު ނިންމާފައެވެ. އަދި އާއިލީ އެހެނިހެން މައްސަލަތަކުގެ 45 މައްސަލައެއް މިދިޔަ މަހު ނިންމާފައިވާ ކަމަށް ވެސް ތަފާސްހިސާބުތަކުން ދައްކައެވެ.
