ރާއްޖެއިން އިންޑިއާއަށް ދަތުރުކުރި ދެމަފިރިއަކު 465،000ރ ގެ ރަނާއެކު ހައްޔަރު ކޮށްފިއެވެ.
އިންޑިއާގެ "ޓައިމްސް އޮފް އިންޑިއާ" ނޫހުގައި ބުނެފައިވާ ގޮތުން، ކަރުނާޓަކާގެ ކެމްޕޭގައުޑާ އެއާޕޯޓުން އެ ދެމަފިރިން ހައްޔަރުކޮށްފައި ވަނީ، ގަވައިދާ ހިލާފަށް ސިއްރިއްޔާތުގައި ރަން އެތެރެކުރަން އުޅެނިކޮށް، މިދިޔަ ބުދަ ދުވަހުގެ ހަވީރުގެ ވަގުތެއްގައެވެ. އެ ދެމަފިރިން އިންޑިއާއަށް ގޮސްފައިވަނީ ވެލާނާ އިންޓަނޭޝަނަލް އެއާޕޯޓުން ކަމަށް އެނޫހުގައި ބުނެފައި ވެއެވެ.
ހައްޔަރު ކޮށްފައި ވަނީ، އުމުރުން 38 އަހަރުގެ އަންހެނަކާއި 30 އަހަރުގެ ފިރިހެނެކެވެ. އެ ދެމީހުން ނިސްބަތްވަނީ އިންޑިއާގެ މަހާރާސްތުރާއަށް ކަމަށްވެސް ނޫހުގައި ބުނެފައި ވެއެވެ.
އެ ދެމަފިރިން ހައްޔަރު ކޮށްފައި ވަނީ، ޖުމްލަ 445 ގްރާމް ރަން ކެޕްސޭލް ފުރަގަސް ފަރާތަށް ލައްވައިގެން އެތެރެ ކުރަނިކޮށެވެ.
އިންޑިއާގެ ރުޕީސް އިން ނަމަ، އެ ތަކެތީގެ އަގަކީ 2.26 މިލިއަން ރުޕީސް އެވެ. ދިވެހި ރުފިޔާއިން ނަމަ، އެއީ 465،000ރ އެވެ.
އެ ދެމަފިރިންގެ މައްޗަށް ދެ ތުހުމަތެއް ވަނީ ކޮށްފައެވެ. އެއީ:
- ގަވައިދާ ހިލާފަށް ސިއްރިއްޔާތުގައި އެއްޗެއް އެތެރެކުރަން އުޅުނުކަމުގެ ތުހުމަތު
- ގާނޫނީ ވާޖިބަކަށް ހުރަސް އަޅައި، ކަމެއް ފޮރުވަން އުޅޭ ކަމުގެ ތުހުމަތު
އެއާޕޯޓުގައި ތިބި އޮފިސަރުން އެ ދެމަފިރިން ބަލާ ފާސްކޮށްފައި ވަނީ ފްލައިޓް ދޫކޮށް ނުކުތުމާއެކު ދެމަފިރިންގެ ހަރަކާތް ހުރި ގޮތުންނެވެ.
ރާއްޖޭގެ އެއާޕޯޓަކީ، ސްމަގްލިން ކުރުމުގެ އެތައް ކޭސް އެއް ފެންމަތިވެފައިވާ އެއާޕޯޓަކަށް ވާއިރު، މި މައްސަލައިގައި ރާއްޖޭގެ ކަމާބެހޭ އެއްވެސް އިދާރާއެއްގެ ބަހެއް އަދި ނުލިބެއެވެ.
މި ހަބަރު ސުރުހީ ގަ ހީވަނީ ދިވެހިން ތަކެއް ހައްޔަރު ކުރީހެން...އިންޑިޔާ ބަޔަކު އިންޑިޔާއިން ހައްޔަރުކުރީ..އަހަރުމެނަށް ކޮން ބލއެއް....
ދިވެހިންނަށް ޖެހިފަ އޮތް ބަލާވެރިކަމެއް އިންޑިޔާއަކީ.