މަތީ ތައުލީމު ހޯދަން ބޭނުންވާ ފަރާތްތަކަށް ދޫކުރަން ނިންމާފައިވާ ލޯނަށް އެދުމުގެ ފުރުސަތު ހުޅުވާލައިފިއެވެ.
ހަޔާ އެޑިއުކޭޝަން މިނިސްޓްރީން ބުނީ މި ފަހަރު މި ލޯނު ދޫކުރަން ނިންމާފައި ވަނީ 720 މީހަކަށް ކަމަށެވެ.
މި ލޯނަށް އެދުމުގެ ފުރުސަތު މާޗް މަހުގެ 3 ވަނަ ދުވަހުގެ ނިޔަލަށް އޮންނާނެ ކަމަށް މިނިސްޓްރީން ވަނީ ބުނެފައެވެ.
މިނިސްޓްރީން ބުނީ، މި ފަހަރު ލޯން ދޫކުރާ ސްކީމުގެ ދަށުން އަލަށް ކިޔަވަން ފަށާ ދަރިވަރުންގެ ގޮތުގައި ބަލާނީ ޖެނުއަރީ 1، 2022 ގެ ފަހުން ކިޔަވަން ފެށި ދަރިވަރުންނާއި އެ ތާރީހުން ފެށިގެން މިހާރު ކުޔަވަމުންދާ ދަރިވަރުންނަށް ކަމަށެވެ.
މިގޮތުން މުޅިން އަލަށް ކިޔަވަން ފަށާ ފަރާތްތަކަށް ހާއްސަ ކޮށްގެން 420 ފުރުސަތު ހުޅުވާލާފައިވާއިރު މިވަގުތު ވެސް ކިޔަވަމުންދާ ދަރިވަރުންނަށް ހާއްސަކޮށްގެން 303 ފުރުސަތު ހާއްސަ ކޮށްފައިވާނެ ކަމަށް މިނިސްޓްރީން ބުނެއެވެ.
މިލޯނަށް އެދި ފޯމު ހުށަހަޅާނީ ޕޯޓަލް މެދުވެރިކޮށް ކަމަށް މިނިސްޓްރީން ވަނީ ބުނެފައެވެ.
