ދިވެހި ރައްޔިތުންގެ ހާލަތު ރަނގަޅުވުމަށް ބޭނުންވާ ސިޔާސަތުތައް ތަންފީޒު ކޮށް އަދި ބޭނުންވާ ތަރައްގީ ގެނެވޭނީ އެމްޑީޕީއަށް ކަމަށާއި، އެހެންކަމުން އެމްޑީޕީއަށް ވެރިކަމުގެ އިތުރު ދެ ދައުރު ބޭނުންވާ ކަމަށް، އެ ޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ވެރިކަން ކުރާ އެމްޑީޕީން ކޮމަންޑޫ ދާއިރާއަށް ވާދަކުރައްވާ ކެންޑިޑޭޓު މުހައްމަދު ރާޝިދުގެ ކެމްޕެއިން ޖަލްސާގައި ށ. ފޯކައިދޫގައި ރޭ ވާހަކަފުޅު ދައްކަވަމުން ނަޝީދު ވިދާޅުވީ، އުމްރާނީ ބިނާތަކަކުން އާންމުންގެ ހާލަތު ބަދަލުވާނެ ކަމަށް ވާހަކަ ދެއްކުމަކީ ކުށް ހީއެއް ކަމަށާއި، ނަމަވެސް ތަރައްގީއަކީ އެއްވެސް ދަތިކަމެއް ނެތި އާންމުންނަށް ދިރިިއުޅެވޭނެ ގޮތް މަގުފަހިވުން ކަމަށެވެ.
ނަޝީދު ވިދާޅުވި ގޮތުގައި، އެމްޑީޕީ އުފެދިގެން އައީ އަދި ހިނގަމުން އަންނަނީ އާންމުންނަށް ދިމާވެފައިވާ ދަތިތަކަށް ހައްލު ހޯދައިދިނުމަށް ކަމަށެވެ. އެގޮތުން އާންމުންގެ ހާލަތު ރަނގަޅު ކުރެވޭނެ ގޮތްތައް ހޯދައި، އެކަންކަން ކުރާނެ ގޮތް ކިޔައިދިނުމަކީ ދިވެހިން އެދޭ އަދި ގަބޫލުކުރާ ގޮތް ކަމުގައިވެސް ނަޝީދު ވިދާޅުވިއެވެ.
ހަމަ އެއާއެކު، އަދިވެސް އެމްޑީޕީން ބޭނުންވާ އަމާޒަށް ވާސިލް ނުވެވޭ ކަމަށާއި، އެ އަމާޒަށް ވާސިލް ވުމަށްޓަކައި އަންނަ އިންތިހާބުގައި ލާ ވޯޓުގެ އިތުރުން، އިތުރު ދިހަ އަހަރަށް ރާއްޖޭގެ ވެރިކަން އެ ޕާޓީއަށް ދޭން ޖެހޭ ކަމަށްވެސް ނަޝީދު ވިދާޅުވިއެވެ.
ނަޝީދު ވަނީ، ރާޝިދަށް ވޯޓު ދިނުމަށް ފޯކައިދޫ ރައްޔިތުންގެ ކިބައިން އެދިވަޑައިގެންފައެވެ.
ކޮމަންޑޫ ދާއިރާގައި ހިމެނެނީ ކޮމަންޑޫގެ އިތުރުން ފޯކައިދުއާއި މަރޮށްޓެވެ. އެ ދާއިރާއަށް ދެން ވާދަކުރާ އެމްއެންޕީ އާއި އިދިކޮޅު ކޯލިޝަނުންވެސް ދަނީ ފޯރިއާއެކު ކެމްޕެއިން ހަރަކާތްތައް ހިންގަމުންނެވެ.
އަންނަ މަހުގެ ފަސްވަނަ ދުވަހު އެ ދާއިރާގެ ބައި އިލެކްޝަން ބާއްވާއިރު، އެ ދާއިރާގެ ގޮނޑި ހުސްވެގެން ދިޔައީ، އެ ދާއިރާ ތަމްސީލް ކުރައްވަމުން ގެންދެވި އެމްޑީޕީގެ މެންބަރު ހުސައިން ވަހީދު ކެންސަރުގެ އާލާސްކަންފުޅެއްގައި އުޅުއްވަނިކޮށް މިދިޔަ މަހުގެ 14 ވަނަ ދުވަހު އަވަހާރަވުމުންނެވެ.
އުމުރު ދުވަހު ނޭންތަ
ތިޔާއީ ސީދާ ޕީޕީއެމްގެ ކެންޑިޑޭޓް ފައްތޭގެ ސަބަބުން ފޯކައިދޫ ރައްޔިތުންނަށް ލިބިގެންދާ ނިއުމަތޭ އަދި ވެސް އެކަން ކަށަވަރު ކުރުމަށް ޓަކައި އެމްޑީޕީ ކެންޑިޑޭޓަށް ވޯޓް ގަސްތުގައި ނުދޭނެ ކަމަށް ފޯކައިދޫ ރައްޔިތުން ކެރިގެން ބުނަންވީ ކެނެރީގެ ނަޝީދު ކުރިމަތީގައި
ޔާމީން ކުރައްވާ ކަމަކީ އިންޑިއާއާ ދިވެހިން މޫނު ކެނޑޭ ގޮތް ހެދުމޭ ބުނަން މާބޮޑަށް ރީއްޗެއް ނޫނޭ ކެނެރީގެ ނަޝީދު ދުނިޔޭގެ އެއްވަނަ އިގްތިސާދު ކަމުގައިވާ ޗައިނާ އާއި މޫނު ކެނޑޭ ގޮތް ހެދީ އިސްވެ ހުރެ ކެނެރީގެ ނަޝީދޭ