ހަލުވި ކަމާއެކު ކޮވިޑް ފެތުރެމުންދާ މިދަނޑިވަޅުގައި މޮނިޓަރިންގެ ހާލަތަށް ގެންނަ ރަށްތަކުގެ އަދަދު އިތުރުވެއްޖެއެވެ.
އެޗްޕީއޭއިން ވަނީ މިއަދުގެ ވެސް 3 ރަށެއް މޮނިޓަރިންގެ ހާލަތަށް ގެނެސްފައެވެ. އޭގެ ތެރޭގައި ހދ.ކުޅުދުއްފުށި ހިމެނޭއިރު އެ ލިސްޓުގައި 19 ރަށެއް މިވަގުރުވެސް އެބައޮތެވެ.
މޮނިޓަރިންގެ ހާލަތުގައި އެންމެ ގިނަ ދުވަސްވެފާ ވަނީ ކ.މާފުއްޓެވެ. އެ ރަށް މިދިޔަ ޑިސެންބަރު 30 ވަނަ ދުވަހު މޮނިޓަރިންގެ ހާލަތަށް ގެނެސްފައިވާއިރު، އެ ރަށުގައި ހުންނަ ޖަލުން ގިނަ އަދަދެއްގެ ގައިދީއިންނާއި އޮފިސަރުން ޕޮޒިޓިވްވެ، އެ ޖަލު ވަނީ ކުއްލި ހާލަތަށް ގެނެސްފައެވެ. އަދި ޑިސެންބަރު މަހުގެ 31 ވަނަ ދުވަހު ހއ. އިހަވަންދޫ މޮނިޓަރިންގެ ހާލަތަށް ގެނެސްފައިވާއިރު އެ ރަށުން މިހާތަނަށް 186 މީހަކު ވަނީ ޕޮޒިޓިްވެފައެވެ.
މިއަދު މޮނިޓަރިންގެ ހާލަތަށް ބ. ގޮއިދޫ، ޅ.ކުރެންދޫ އަދި ހދ. ކުޅުދުއްފުށި ގެނެސްފައިވާއިރު އިއްޔެ ތ. ގުރައިދޫ ވަނީ މޮނިޓަރިންގެ ހާލަށް ގެނެސްފައެވެ. މީގެ އިތުރުން މި މަހުގެ 20 ވަނަ ދުވަހު ހއ. ދިއްދޫ މޮނިޓަރިންގެ ހާލަށްގެނެސްފައިވާއިރު މި މަހުގެ 19 ވަނަ ދުވަހު ކ. ގުރައިދޫ އަދި ބ. އޭދަފުށި ވަނީ މޮނިޓަރިންގެ ހާލަތަށް ގެނެސްފައެވެ.
މީގެ އިތުރުންވެސް މޮނިޓަރިންގެ ހާލަތުގައި އޮތްރަށްތަކުގެ ތެރޭގައި ހދ. ނެއްލައިދޫ، ލ. ފޮނަދޫ، ހދ. ނޮޅިވަރަންފަރު، ށ. ފޮނަދޫ، ބ. ދަރަވަންދޫ، ދ. ބަނޑިދޫ، ލ. ގަން، ގދ. ގައްދޫ، ރ. އުނގޫފާރު އަދި ހދ. ހަނިމާދޫ ހިމެނެއެވެ.
މޮނިޓަރިންގެ ހާލަށް ނުގެންނަ ބައެއް ރަށްތަކުގައިވެސް ކޮވިޑް ފެތުރޭ ކަމުގެ މައުލޫމާތު ލިބިފައިވާއިރު އިއްޔެވެސް ރާއްޖެއިން 1600 އަށްވުރެ ގިނަ މީހުން ވަނީ އެ ބައްޔަށް ޕޮޒިޓިވްވެފައެވެ.
