އއ. އުކުޅަހުގެ ކަރަންޓު ޑިސްޓްރިބިއުޝަން ނެޓްވޯކުގެ މަސައްކަތްތައް މިމަހުގެ މެދުތެރޭ ނިންމާލެވޭނެ ކަމަށް ސްޓެލްކޯއިން ބުނެފިއެވެ.
އުކުޅަހުގެ ކަރަންޓު ޑިސްޓްރިބިއުޝަން ނެޓްވޯކުގެ މަސައްކަތްތައް ކުރުމަށްޓަކައި ޖުމްލަ 2،084 މީޓަރުގެ ކޭބަލް ވަނީ އެ ރަށުގައި ވަޅުލާފައެވެ. ސްޓެލްކޯ އިން ބުނީ، މި މަހުގެ މެދުތެރޭ އެ މަސައްކަތް އެއްކޮށް ނިންމާލެވޭނެ ކަމަށެވެ.
އަދި އެ މަސައްކަތް ނިމުމުން، އުކުޅަހުގެ ރައްޔިތުންނަށް ފަސޭހަވެގެން ދާނެ ކަމުގައިވެސް ސްޓެލްކޯއިން ބުންޏެވެ.
މި މަސައްކަތުގެ އިތުރުން، ސްޓެލްކޯއިން އެހެނިހެން ރަށްރަށުގައިވެސް ހުންނަ ކަރަންޓު ޑިސްޓްރިބިއުޝަން ނެޓްވޯކްތައް އަޕްގްރޭޑް ކުރުމުގެ މަސައްކަތްތައް ކޮށްފައިވާއިރު، އެކުންފުނިން ވަނީ ދާދިފަހުން ފެނާއި ނަރުދަމާ ނިޒާމު އަޅަން ހަވާލުނުކޮށް ހުރި ބައެއް ރަށްރަށުގައި އެ މަސައްކަތްތައް ކުރުމަށް އެއްބަސްވެފައެވެ.
