އާ އަހަަރު ފާހަގަ ކުރުމަސް ރޭ ހުޅުމާލޭގައި ހާއްސަ ޝޯއެއް ބާއްވައި، ހަވާ އެރުވުން ކުރިއަށް ދިޔަ އިރު އެތަނަށް 11،000 އަށް ވުރެ ގިނަ މީހުން ދިޔަ ކަމަށް ޔޫތް މިނިސްޓަރު އަހްމަދު މަހްލޫފް ވިދާޅުވެއްޖެއެވެ.

ހުޅުމާލޭގައި ރޭ ބޭއްވި މިއުޒިކް ޝޯގައި ބޮލީވުޑްގެ މަޝްހޫރު ލަވަ ކިޔުންތެރިޔާ އަންކިތު ތިވާރީ ލަވަކިޔާފައި ވާއިރު ރާއްޖޭގެ އެތައް ފަންނާނުންނެއް ވެސް ލަވަކިޔާފައި ވެއެވެ. އެ ޝޯ ބެލުމަށް މާލެއާއި ވިލިމާލެ އަދި ހުޅުމާލޭއިން އެތައް ބަޔަކު ދިޔައެވެ. ރޭގެ ޝޯ ފެށުމާ ގާތްވި އިރު ޝޯ ބަލަން އެތައްހާސް ބަޔަކު ކިޔުހެދިއެވެ.

ރޭ ބޭއްވި ޝޯ އާއި ހަވާ އެރުވުމާ ގުޅޭ ގޮތުން މަހްލޫފް ވިދާޅުވީ، އެ ޝޯ ފުރިހަމައަށް ގެންދިއުމުގައި ހަރަކާތްތެރިވި އެންމެންނަށް ހާއްސަ ޝުކުރެއް ދަންނަވާ ކަމަށެވެ. ހާއްސަކޮށް އެމްއެންޑީއެފް އާއި ފުލުހުންނާއި ޔޫތް މިނިސްޓްރީގެ މުވައްޒަފުން ކުރި މަސައްކަތް މަހްލޫފް ފާހަގަ ކުރެއްވިއެވެ.

ރޭ ހުޅުމާލޭގައި ޝޯ އޮތުމުން މާލޭގެ މަގުތައް ފެނިގެން ދިޔައީ ވަރަށް އަމާން ކޮށެވެ. ރޭ ހުޅުމާލެއަށް ގިނަ ބަޔަކު ދަތުރު ކުރި އިރު ހުޅުމާލޭގެ މަގުތައް ބައިބޯވެ ތޮއްޖެހިފައި އޮތީ އާ އަހަރުގެ ޝޯ އާ ގުޅިގެންނެވެ.

ކޮންމެ އަހަރަކުވެސް އާ އަހަރާ ދިމާ ކޮށް ކުލަގަދަކޮށް މިޔުޒިކް ޝޯ ބާއްވައެވެ. ނަމަވެސް މިދިޔަ އަހަރު ކޮވިޑްގެ ހާލަތާ ގުޅިގެން އާ އަހަރު ކުލަ ގަދަކޮށް ފާހަގަ ކޮށްފައެއް ނުވެއެވެ. މި އަހަރު ޝޯ ބާއްވާފައި މި ވަނީ އެއް އަހަރުގެ މެދުކެނޑުމަކަށް ފަހުއެވެ.

ހަބަރު އެމްއެންޑީއެފް މަހްލޫފް ޒުވާނުން ޕޮލިސް