ރައީސުލްޖުމްހޫރިއްޔާ އިބްރާހީމް މުޙައްމަދު ސޯލިހާއި އެމަނިކުފާނުގެ އަނބިކަނބަލުން ފަޒްނާ އަހްމަދު، ނުރަސްމީ ދަތުރުފުޅެއްގައި ސްރީލަންކާ އަށް ވަޑައިގެންފިއެވެ.
ރައީސް އޮފީހުން ބުނީ ރައީސް ފުރާވަޑައިގެންފައި ވަނީ މިއަދު ހެނދުނު ކަމަށެވެ. މިއީ ހަތަރު ދުވަހުގެ ނުރަސްމީ ދަތުރުފުޅެއް ކަމަށް ރައީސް އޮފީހުން ބުނެއެވެ.
ރައީސުލްޖުމްހޫރިއްޔާގެ ދެކަނބަލުންގެ މި ދަތުރުފުޅު ނިންމަވާލެއްވުމަށް ފަހު އެނބުރި މާލެ ވަޑައިގެންނެވުމަށް ހަމަޖެހިފައި ވަނީ 2022 ވަނަ އަހަރުގެ ޖަނަވަރީ މަހުގެ 2 ވަނަ ދުވަހު ކަމަށް ރައީސް އޮފީހުން ބުނެއެވެ.
ރައީސް ސޯލިހު ވެރިކަމާ ހަވާލުވެ ވަޑައިގެންނެވި ފަހުން ކޮންމެ އާ އަހަރަކު ރައީސް ރާއްޖެއިން ބޭރަށް ވަޑައިގަންނަވައެވެ.
ސްރީލަންކާގައި ރައީސްގެ އަނބިކަނބަލުންގެ އާއިލީ ބޭފުޅުން ދިރިއުޅުއްވައެވެ.
މަޖާ ކުރަން ލަންކާއަށް ދެވޭ.އެކަމަކު ލަންކާ ސަރުކާރާ ވާހަކަ ދައްކައިގެން އެތަނުގައި ދިރި އުޅޭ ދިވެހިންގެ ވިސާއަށް ބަދަލެއް ނުގެނެވުނު.މިހާރު ދެއަހަރުގެ ކުދިން ފެށިގެން ބޮލަކަށް އައްޑިހަ ހާހަށް އަރައިފި.މިއީ ދުވަހަކުވެސް ލަންކާ އިން ނެގި ވަރެއް ނޫން. މިތަނުގައި ހުންނަ އެމްބަސީ އަކީ އަވަށު އޮފީހަކުން ކުރާ ވަރަށް ވެސް މަސައްކަތް ކުރެވޭ ތަނެއް ނޫން. އެމްބަސީ ތެރޭގައި އުޅޭ މީހަކު ބުނީ އެމްބެސެޑަރު އޮންނަނީ އަންގާފައޭ ދިވެހިންނާ މާގިނައިން ބައްދަލު ކޮށް ވާހަކަވެސް ނުދައްކަން