އަހަރު ނިމުމާ ދިމާކޮށް، އެސްޓީއޯއިން ވިއްކާ ނިޕޯން ޕެއިންޓަށް ހާއްސަކޮށް ޕްރޮމޯޝަނެއް ފަށައިފިއެވެ.
"އެކުލަ މިކުލަ" ގެ ނަމުގައި ނިޕޯން ޕެއިންޓަށް ހާއްސަކޮށް، އެސްޓީއޯގެ ކޮންސްޓްރަކްޝަން ސޮލިއުޝަނުން ފެށި މި ޕްރޮމޯޝަން މިއަދު ތައާރަފްކޮށްދެއްވީ، އެކުންފުނީގެ ޖެނެރަލް މެނޭޖަރު މަރިޔަމް ނުޒްލާއެވެ.
އެސްޓީއޯއިން މައުލޫމާތުދޭ ގޮތުގައި، މި ޕްރޮމޯޝަންގެ ދަށުން ދަވާދާއި ކުލަ ގަންނަ ކަސްޓަމަރުންނަށް 20 ޕަސެންޓާ ހަމައަށް ޑިސްކައުންޓް ލިބިގެން ދާނެއެވެ. މިއަދުން ފެށިގެން 30 ދުވަހުގެ ނިޔަލަށް މި ޕްރޮމޯޝަން ކުރިއަށް ދާނީ އެސްޓީއޯގެ ހޯމް އިމްޕްރޫވްމެންޓް ފިހާރަ އާއި އެސްޓީއޯގެ ހުޅުމާލެ ފިހާރައިގައެވެ.
މީގެ އިތުރުން މި ޕްރޮމޯޝަން ހިނގަމުންދާއިރު، 500 ރުފިޔާގެ ކޮންމެ ވިޔަފާރިއަކަށް ކޫޕަނެއް ދޫކުރުމަށް ހަމަޖެހިފައިވާ ކަމަށާއި، ހަފްތާއަކު އެއް ފަހަރު ނެގޭ ލަކީޑްރޯގެ އިތުރުން، ޕްރޮމޯޝަން ނިމުމުން ނަސީބުވެރި ތިން ކަސްޓަމަރަކަށް ދުބާއީ ދެކޮޅު ޓިކެޓު ލިބިގެންދާނެ ކަމަށް އެސްޓީއޯއިން ބުންޏެވެ.
އެސްޓީއޯއިން ވިއްކަމުން އަންނަ ޖަޕާނުގެ ނިޕޯން ޕެއިންޓަކީ ގިނަ މީހުންގެ މެދުގައި މަގްބޫލު ބްރޭންޑެކެވެ.
