ހއ. ބާރަށު ސްކޫލް ޕްރިންސިޕަލްގެ ސައިކަލުގައި ރޯކޮއްލުމުގެ ސަބަބުން ގެއަށް ވެސް ގެއްލުންތަކެއް ވެއްޖެއެވެ.
"ދަ ޕްރެސް" އަށް މައުލޫމާތު ދެމުން ބާރަށު ކައުންސިލްގެ ރައީސް ސޮފްއަތު މުހައްމަދު ވިދާޅުވީ އެރަށު ސްކޫލްގެ ޕްރިންސިޕަލްގެ ސައިކަލުގައި ބަޔަކު ރޯކޮށްލާފައި ވަނީ ރޭ ދަންވަރު 2:45 އާއި 3 އާ ދެމެދު ކަމަށެވެ.
ސޮފްއަތު ވިދާޅުވީ އެކަން ކުރީ ސީދާ ކޮންބައެއް ކަމެއް ނޭނގުނަސް ގަބޫލުކުރެވެނީ ބަޔަކު ގަސްތުގައި ކުރި ކަމެއް ކަމަށެވެ. އަދި ރޯ ކޮށްލުމަށް ފަހު އެބަޔަކު ނިކުމެފައި ހުރީ މަގުމައްޗަށް ހުންނަ ދޮރުން ކަމަށާއި އެ ދޮރު ހުރީ ނުވެސް ލައްޕާ ކަމަށެވެ.
ސައިކަލު ހުރީ ގޯތި ތެރޭގައި ކަމަށާއި ރޯ ކޮށްލުމުން ގޭގެ ކުޑަދޮރުގެ ބިއްލޫރިތައް ތެޅި ކުޑަ ދޮރަށް ގެއްލުންވެފައި ވާއިރު އެ ގޭތެރޭގައި ބަޔަކަށް ނޫޅެވޭ ވަރަށް ދުންވަސް ހިފާފައިވާ ކަމަށް ސޮއްފަތު ވަނީ ވިދާޅުވެފައެވެ.
ސޮއްފަތު އިތުރަށް ވިދާޅުވީ އެކަހަލަ ކަމެއް ހިނގާފާނެ ކަމަށް ޝައްކުކުރެވިފައި ނުވާ ކަމަށާއި އަދި ޕްރިންސިޕަލް އަށް ވެސް އެފަދަ އިންޒާރެއް ބަޔަކު ދީފައިނުވާ ކަމަށެވެ.
ކެލާ ކާސިމަކަސް ކެލާ އިބުރާހީމަކަސް ބާރަށު ހުރިހާ މީހުންނަކީ ވިޔާނުދާ ބައެކޭ ނުބުނެވޭނެ ކެލާ މީހުންތީ ވަކި ސަހަލު ބައެއްތަ
ތިވާނީ މިސުރު ބަޔަކަށް
ވަރަށް ވިޔާނުދާ ބަޔަކު އުޅޭ ރަށެއް ތިއީ. އުންމީދުކުރަން މި ކޮޮމެންޓު ޝާއިޢު ކޮށްދެއްވާނެކަމަށް. ޤަބޫލުކުރަން ދަތިވިޔަސް މިއީ ޙަޤީޤަތެއް. އެބަޔަކު އެބަޖެހޭ ހަރުލާފައިހުރި ވިޔާނުދާ އާދަތައް ފިލުވާލަން. މިއީ 21 ވަނަ ޤަރުނު. ރާއްޖޭގަ ޖަންގަލީގެ އުޞޫލު ހިނގަނީ މިވެނި ރަށެއްގަޔޭ ބުނާކަށް އެއްވެސް ރަށެއްގެ ބަޔަކު ބޭނުމެއް ނުވާނެ. ގޯސް އާދަތައް ދޫކޮށްލާ، ރަނގަޅު މަގަށް ރުޖޫޢަ ވުމަށް ގޮވާލަން...