ހަރުކަށި ފިކުރަކީ އިސްލާމީ ތަރުބަވީ އަހުލާގު ދަންނަ އެއްޗެއް ނޫން ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް މިހެން ވިދާޅުވީ ކީރިތި ގުރުއާނާ ބެހޭ ގައުމީ މަރުކަޒުގެ ދަސްވެނިވުމުގެ ރަސްމިއްޔާތުގައި ރޭ ވާހަކަފުޅު ދައްކަވުންނެވެ.
ރައީސް ވިދާޅުވީ ދިވެހިންގެ ތެރެއިން މަދު ބަޔަކު ގެންގުޅޭ ހަރުކަށި ފިކުރަކީ، އިސްލާމީ ތަރުބަވީ އަގުލާގު ދަންނަ އެއްޗެއް ނޫން ކަމަށާއި އަދި އިސްލާމްދީނުން ފެންނަން އޮތީ އިޖުތިމާއީ އަދާލަތާއި ހަމަހަމަކަމާއި މެދުމިނުގެ އެންމެ މަތިވެރި އުސޫލުތައް ކަމަށެވެ.
އިސްލާމީ އަހްލާގު ދައުވަތު ދެނީ، އޯގާތެރިކަމާއި ލޯތްބާއެކު އެކުވެރިވެ އެއްބައެއްގެ ގޮތުގައި އުޅުމަށް ކަމަށް ވެސް ރައީސް ވިދާޅުވިއެވެ.
ރައީސް ވިދާޅުވި ގޮތުގައި އެންމެ މުހިންމު ކަމަކީ ކީރިތި ގުރުއާނުގެ އިލްމުތައް ފެތުރުމެވެ. ގުރުއާންގެ އިލްމީ ކަންޒަރުން ސިކުނޑިތައް މުއްސަނދިވެގެން ދާނީ ކީރިތި ގުރުއާންގެ އިލްމީ ދިރާސާތައް ކޮށްގެން ކަމަށް އެމަނިކުފާނު ވިދާޅުވިއެވެ.
އަދި މި ޒަމާނުގެ އިލްމީ ހޯދުންތައް ވެސް ކީރިތި ގުރުއާންގެ އިލްމީ ހަގީގަތްތަކުން އިތުރަށް ފުރިހަމަވެގެން ދާނެ ކަން ރައީސް ފާހަގަ ކުރެއްވިއެވެ.
މަޑުކަށި ލާދީނީ ފިކުރު ދަންނަނީ ދޯ؟ އެއްވެސް ތަނެއްގަ ލާދީނީ މީހުންގެ ވާހަކަ ދައްކަން ނުކެރެނީ ކީއްވެ؟ އިލްޔާސް ޖަމާލު ކިޔާ މީހައަށްވެސް ނުކެރުނު ހަރުކަށިފިކުރު ވާހަކަ ދެއްކި ގޮތަށް މަޑުކަށިފިކުރު ވާހަކަ ދައްކާކަށް. ތިވަރު މީހުން ތިއުޅެނީ.