އަބަދުހެން އިވޭއަޑަކަށް "ރަހީނު" ވެއްޖެއެވެ. މިކަހަލަ ކޮންމެ ކަމެއްގެ ފަހަތުގައި ވަނީ ފައިސާގެ ދަހިވެތިކަމެވެ. މާލޭގެ މަގުތަކުގެ އަމާންކަން ގެއްލި ނާމާން ވެއްޖެއެވެ. އެކަމުގެ ހެއްކަކަށް ރޭ ހިނގާދިޔަ ބިރުވެރި ރަހީނުގެ ހާދިސާ ފުދޭނެއެވެ. ރޭ އެންމެންޑީއެފްގެ ކޯސްޓްގާޑްގައި މަސައްކަތް ކުރާ ހަސަން ފަހީމް(37އ)، ރަހީނުކޮށް އަނިޔާ ކުރުމަށް ފަހު އައިޖީއެމްއެޗް ކައިރިއަށް އެއްލާލައިފާ އޮތް ވާހަކައިގެ އަޑު އިވުމާއެކު އެ މީހާއަށް ކޮށްފައިވާ އަނިޔާއާއި އެކަމުން ސަލާމަތްވުމަށް އެ މީހާ ކުރި މަސައްކަތް ހިތަށް އަރުވާލެވޭނެއެވެ.
"ދަ ޕްރެސް" އަށް އެހާދިސާ ހިނގި ގޮތް ކިޔާދެމުން ފަހީމްގެ އާއިލާގެ މީހަކު ބުނީ ރޭ މާފަންނު އޭސް ހާޑްވެއާ ކައިރީގައި އޮންނަ ގޯޅިގަނޑަކުން ފަހީމް ހިނގާފައި ދަނިކޮށް ތިން މީހަކު އައިސް އޭނާ ހުއްޓުވަން މަސައްކަތް ކުރި ކަމަށެވެ. އެކަމާ އަޅާ ނުލާ ކުރިއަށް ހިނގައި ގަތުމުން ފަހީމްގެ އަތުގައި އެމީހުން ހިފިއެވެ. އަދި ފަހީމް އޭނާގެ ގައިގާ އަތް ނުލާން ބުނުމުން އެމީހުން އޭނާގެ ކަރުގައި ހިފާ ލާރި ހޯދަން މަސައްކަތް ކުރި ކަމަށް އާއިލާ އިން ބުނެއެވެ.
ދެން ކުއްލިއަކަށް ފަހަތުން އައި މީހަކު އޭނާގެ ބޮލުގައި އެއްޗަކުން ޖަހާ ހޭނައްތާލި ކަމަށް އާއިލާއިން ބުނެއެވެ.
ފަހީމް ހޭނައްތާލުމަށް ފަހު އެމީހުން ފަހީމް ގެންދިޔައީ ރޫމަކަށެވެ. ފަހީމް ހޭނެތިފައި އޮތުމުން ގެންދިޔައީ ކޮން ތަނަކަށް ކަމެއް ނޭނގޭ ކަމަށް އާއިލާއިން ބުނެއެވެ. އަދި އެމީހުން ފަހީމް ރަހީނުކުރީ މާސްކު އަޅައިގެން ކަމުން އެއީ ކޮން ބައެއް ކަން އަދި ދެނެގަނެވިފައި ނުވާ ކަމަށް ވެސް އާއިލާ އިން ބުނެއެވެ.
ރޫމަށް ގެންގޮސް ފަހީމު އަށް އަނިޔާކޮށް ލާރި ހޯދަން އެމީހުން މަސައްކަތް ކުރި ނަމަވެސް އެވަގުތު ފަހީމް އަތުގައި ވޮލެޓެއް ނެތެވެ. އޮތީ ފޯނު އެކަންޏެވެ. ދެން އެމީހުން ބޭނުންވީ ފައިސާ ޓްރާންސްފާ ކުރަން ކަމަށާއި ނަމަވެސް އެކަމަށް ފަހީމް އިންކާރުކޮށް، އެ ގޮތުގައި ފަހީމް ހިފެހެއްޓި ކަމަށް އާއިލާ އިން ބުނެއެވެ.
ފަހީމްގެ އާއިލާއިން ބުނިގޮތުގައި އޭނާއަށް ވަނީ ވަރަށް ބޮޑަށް އަނިޔާ ކޮށްފައެވެ. ނަމަވެސް މިހާރު އޭނާގެ ހާލު ރަނގަޅު ކަމަށާއި ހެދި ޓެސްޓުތަކުގެ ނަތީޖާ ވެސް ރަނގަޅު ކަމަށް އާއިލާއިން ބުނެއެވެ.
މިއީ ހަކުރު ބޯން، ލާރި ހޯދަން އުޅޭ ގުރޫޕަކުން ކުރި ކަމެއް ކަމަށް އާއިލާއިން ތުހުމަތު ކުރެއެވެ.
އެ މައްސަލައާ ގުޅިގެން ފުލުހުން ބުނީ އަނިޔާތަކެއް ލިބިފައިވާ ދިވެހި ފިރިހެނަކު އައިޖީއެމްއެޗަށް ގެންގޮސްފައިވާ ކަމުގެ މައުލޫމާތު މިއަދު 09:55 ހާއިރު ފުލުހުންނަށް ލިބުނު ކަމަށެވެ.
މި ކަމާ ގުޅިގެން ބަލަން ޖެހޭ ކަންކަން ފުލުހުން ބަލަމުންދާ ކަމަށް ފުލުހުން ބުނި ނަމަވެސް އަދި މީހަކު ހައްޔަރެއް ނުކުރެއެވެ.
ދާދިފަހުން މާލޭގައި 3 މީހަކު ވެގެން މީހަކު ރަހީނު ކުރި މައްސަލައިގައިވެސް ހައްޔަރު ކުރި މީހުން ފުލުހުން ވަނީ ދޫކޮށްލާފައެވެ.
ތިޔަވަރުން ކަންކަން ވާނެބާ؟
ކަނޑު އަޑީގަ އޮތް ސިމް އެއް ވެސް ހޯދި އެކަމު މިކަހަލަ ކަން ކަން ހިއެއް ނުވޭ ހޯދޭނެހެނެއް.. ވަރަށް ސަލާން
މީއަނެއްކާ ބިޓެއްގެ މައްސަލަ އެއްނޫންބާ
ބުރަކަށީގަ ހުރި ވަކިއަޅާފަ ހުރިކަހަލަ ގޮތަކަށް. ޢަންހެން ވެރިން ތޯއްޗެ ރަހީނުކުރީ.
ފިރިހެނުންނަށް ނިޔަފަތިން ވަކި ނޭޅޭތަ؟
އާއިލާއަށް އެނގޭބާ އެމީހާ އަކީ ކިހިނެއް، ކީއްކުރަން ބޭނުންވެގެން އެތަނަށް ދިޔަ މީހެއްކަން..
ސިފައިންގެ ބޭކަލަކަށް އަނިޔާ ކުރި ކަމަށް ބުނާ މީހުން ޔާގޫތުގެ ކައިރިން އެހަމަލާ އަމާޒުވުން ތިޔާއީ ބޮޑު ގޮހޮޑާ މެންގެ ރޯ އެޖެންޓުން އަޑީގައި ތިބެގެން އިންޑިއާ އައުޓް ކެމްޕެއިން ގެ ފޯކަސް އެހެން ދިމާލަށް އަނބުރާލަން ވެގެން އެމެން ޕާރޓޭން ނަށް ސުޕާރީ ދީގެން ކުރާ ކަމެއް
ޕޮލިސް ކަމިޝަނަރު ހަމީދު އަދި ޝޭޚް އިމްރާން އެއީ ދަކިއްލި ތަޅާ ކިޔަވައިގެން ތިބި ރަނޑުންނޭ އެމެންނަށް މާލެ ސަރަހައްދުގެ އަމަން އަމާން ކަން ގާއިމް ކޮށް ނުދެވޭނެއޭ އެމެން އެބަޖެހޭ ބޭރުކުރަން މަގާމް ތަކުން ދަ ވޭ ދޭ ކޭމް ޓު ދިސް މަގާމް އިޒް ނޯ ޑޭމް ކްރެޑިޓެޑް އިޓްސް ކޮރަޕްޝަން ކޮރަޕްޝަން އިޓްސް ޑޭންޖުރެސް ޑޯން ޔޫ ޕްރިޓެންޑް ޓު ބީ ދަ ޖޭމްސް ބޮންޑް
އައި.ޖީ.އެޗް ކައިރިޔަށް އެއްލާލީ މާރާ ނުލަން ތޯ އެއްޗެއް.
ތިޔަހެން ތިކަން ވާނެކަމައް ގަބޫލުކުރަން ދަތި ، ތިކަން ރަގަޅައް ބަލާން ގޮވާލަން، ތި ކަމުގެ ސިރު ހާމަކުރަން ގޮވާލަން ، އޭރުން ދިވެހި ރައްޔިތުން މިކަހަލަ ކަންކައް ހޭލުންތެރިވާނީ .