ސްރީލަންކާގެ ބޮޑުވަޒީރު މަހިންދަ ރާޖަޕަކްސަ އިންޓަނޭޝަމަލް ޓްރޮފީ ފްޓްބޯޅަ މުބާރާތުގައި މިއަދު ރާއްޖެއާއި ސީޝެލްސް ކުޅުނު މެޗުގައި ގައުމީ ޓީމުގެ މިޑްފީލްޑަރު އަސްއަދު އަލީ (އަޑުބަރޭ) ސީޝެލްސް ކުޅުންތެރިއެއްގެ މޫނުމަތީ ޖަހާ ހިންގި ހުތުރު އަމަލަކީ ރާއްޖެ ލަދުގަންނަ ވަރުގެ އަމަލެއްކަމަށް ބުނެ ގިނަ ބަޔަކު ނުރުހުން ފާޅުކުރަމުން އެބަދެއެވެ.
މިއަދުގެ މެޗުގައި އަޑުބަރޭ ވަނީ މެޗުގެ ފަހު ވަގުތުގެ ފަސް މިނެޓުގެ ތެރޭ ބަދަލު ކުޅުންތެރިއެއްގެ ގޮތުގައި ކުޅެން އަރާ، ބޯޅަވެސް ނެތި، ސީޝެލްސްގެ ކެޕްޓަން ސްޓީވްގެ ނޯށް މަތީ އުޅަނބޮށިން ގަސްތުގައި ޖަހާ ވައްޓާލާފައެވެ. އެއާއެކު ރެފްރީ ވަނީ އަޑުބަރޭއަށް ރަތް ކާޑު ދައްކައި، ދަނޑުން ފޮނުވާލާފައެވެ. މިއީ ސަރަހައްދީ މުބާރާތެއްގައި މިހާ އަވަހަށް ކާޑު ދައްކައި ދަނޑުން ފޮނުވާލި ފުރަތަމަ ކުޅުންތެރިޔާއެވެ.
މިއާއެކު، އާންމުންގެ ގިނަ ބަޔަކު ދަނީ އަޑުބަރޭގެ އެ އަމަލު ކުށްވެރިކޮށް އޭނާ ގައުމީ ޓީމުން ބޭރުކުރުމަށް ގޮވާލަމުންނެވެ. އަދި ގައުމީ ޓީމުން ޖާގަ ލިބުން ހައްގު ޒުވާން ކުޅުންތެރިންނަށް ފުރުސަތު ދިނުމުގެ ބަދަލުގައި އަޑުބަރޭ ޓީމުގައި ހިމެނުމުންވެސް ގިނަ ބަޔަކު އެފްއޭއެމް އަދި އެ އެސޯސިއޭޝަންގެ ރައީސް ބައްސާމް އަދީލް ޖަލީލަށް ވެސް ދަނީ ފާޑުކިޔަމުންނެވެ.
އަޑުބަރޭގެ އެ ހުތުރު އަމަލާ ގުޅިގެން "ދަ ޕްރެސް" އާ ވާހަކަ ދައްކަމުން ދިވެހި ފްޓްބޯލަ ކްލަމެއްގެ މެނޭޖަރަކު ބުނީ، އަޑުބަރޭ ފުރަތަމަ 11 އަށް ނާރުވާ ޓީމު ހަމަނުވާކަމަށް އޭނާ ނުދެކޭ ކަމަށާއި، އަޑުބަރޭ އަކީ އެއްގޮތަކަށްވެސް ޓީމަށް އަރުވަން ޖެހޭ މީހެއް ކަމަށް އޭނާ ގަބޫލު ނުކުރާ ކަމަށެވެ.
އަޑުބަރޭގެ ޑިސިޕްލިނަރީ މައްސަލަ އާ މެދު ފިޔަވަޅު އެޅުމަށްވެސް އާންމުން ވަނީ އެފްއޭއެމަށާއި ޔޫތު މިނިސްޓަރު އަހްމަދު މަހްލޫފަށް ގޮވާލާފައެވެ. އަދި އަޑުބަރޭގެ މި އަމަލަކީ ގައުމީ ޓީމަށްވެސް އަދި ގައުމަށްވެސް ހުތުރުކަން ބޮޑު އަމަލެއްގެ ގޮތުގައި ގިނަ ބަޔަކު ވަނީ ސިފަކޮށްފައެވެ.
މީގެ ކުރިންވެސް އަޑުބަރޭގެ ކިބައިން އަހުލާގީ މައްސަލަތަކެއް ފާހަގަ ކުރެވުނުއިރު، 2008 ގައި އޮތް ސާފް ޗެމްޕިއަންޝިޕްގައި ވެސް އޭނާގެ އަހްލާގީ މައްސަލައެއް ފެނުމުން ސަސްޕެންޑު ކުރިއެވެ.
ޔޫތު މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުރި އަޑުބަރޭ ކުރީގެ ޓޫރިޒަމް މިނިސްޓަރު އަލީ ވަހީދުގެ މައްސަލާގައި ޖާމިނުވެފައި ވާތީ، އެކަމާ ގުޅިގެންވެސް އާންމުން ވަނީ އަޑުބަރޭ ގައުމީ ޓީމުން ވަކިކުރުމަށް އެފްއޭއެމަށާއި، ގައުމީ ޓީމުގެ ކޯޗު ކަމުގައި އޭރު ހުރި އަލީ ސުޒޭނަށްވެސް ގޮވާލާފައެވެ.
މަޚްލޫފު އިސްތިއުފާ މަޚްލޫފު އިސްތިއުފާ މަޚްލޫފު އިސްތިއުފާ
އެއީ ސްޓޭޓް މިނިސްޓަރެއްވީމަ އޭނައާއިނުލާ ނުކުޅެވެނީތަ؟ އެއީ ޓީމުގައި ހިމަނަން ހެޔޮވާވަރުގެ މީހެއްނޫން އޭނަ ވަގުތުން މިނިސްޓަރުކަމުންނާއި ޓީމުންވެސް ވަކިކޮށް ރަނގަޅު އަދަބެއްދީ ވަގުތުން ހައްޔަޔުކުރޭ
މަރު ދުވަހަށް އަޑުބަރޭ ހުރިހާ ކުޅިވަރަކުން ސަސްޕެންޑް ކުރުމަށް ގޮވާލަން. މިޤައުމުގެ ރީތިނަން ވެއްޔާލާ މޮޑެލައިފި. ޢަދި ޖިނާއީ ދައުވާ ކުރަންވެސް ފެނޭ.
އަޑުބަރޭ ގައުމީ ޓީމުން ބޭރު ކުރޭ!