އިންޑިއާ އާއެކު ހަދާފައިވާ ސިއްރު އެއްބަސްވުންތަކުގެ ސަބަބުން ގައުމުގެ މިނިވަންކަމާއި އިސްތިގުލާލު ގެއްލިފައިވާކަން ހާމަވާ ކަމަށް އިދިކޮޅު ކޯލިޝަނުން ބުނެފިއެވެ.
އިދިކޮޅުން އިއްޔެ ނެރުނު ބަޔާނުގައި ބުނީ، އިންޑިއާ އާއެކު މި ސަރުކާރުން ހަދަމުން ގެންދާ ގޮތް ނޭނގޭ އެއްބަސްވުންތަކުގެ ސަބަބުން ދިވެހިރާއްޖޭގެ މިނިވަންކަމާއި އިސްތިގްލާލަށް ގެއްލުން ވާ ފަދަ އެތައް ކަމެއް ހިނގަމުންދާތީ، އެކަމުގެ ކަންބޮޑުވުން ފާޅުކޮށް އެއްބަސްވުންތައް ހާމަކުރުމަށް ކެނޑިނޭޅި ގޮވާލަމުންދާ ކަމަށެވެ.
އެހެންނަމަވެސް އެއްބަސްވުންތަކުގައި ގައުމީ ސަލާމަތަށް ނުރައްކާވާފަދަ މައުލޫމާތު ހުރިކަމަށް ބުނެ ސިއްރުކޮށްގެން އެތައް ދުވަހެއް ވަންދެން ބޭއްވުމަށް ފަހު ރައްޔިތުންގެ ޕްރެޝަރާއެކު ރައްޔިތުންގެ މަޖިލީހުގެ ކޮމިޓީއަކާއި އެ އެއްބަސްވުންތައް ހިއްސާކޮށްފައިވާ ކަން އިދިކޮޅުން ވަނީ ބުނެފައެވެ.
އިދިކޮޅުން ބުނީ، ހިއްސާކޮށްފައިވާ އެއްބަސްވުންތަކުން، ރާއްޖޭގެ މިނިވަންކަމާއި އިސްތިގުލާލު ގެއްލިގެންދާނެ އެތައް ކަމެއް ހުރިކަމުގެ މައުލޫމާތުތައް ލިބިފައިވާ ކަމަށާއި އެއްބަސްވުން ހާމަކުރަމުން ޑިފެންސް މިނިސްޓަރު މާރިޔާ ދީދީ ދެއްކެވި ވާހަކަތަކުގައި އިންޑިއާ ސަރުކާރުގެ ޑޯނިއާ މަތިންދާ ބޯޓާއި 2 ހެލިކޮޕްޓަރު ދުއްވުމުގައި އިންޑިއާގެ 75 ސިފައިން މިގައުމުގައި ތިބި ކަމަށް ބުނެފައިވާތީ އެކަމުގެ ކަންބޮޑުވުން ރައްޔިތުން ފާޅުކުރަމުންދާ ކަމަށެވެ.
މީގެ އިތުރުން ރާއްޖޭގައި ގިނަ އަދަދެއްގެ އިންޑިއާ ސިފައިން ތިބިކަން ކަށަވަރުވާ ކަމަށާއި އެހެން ނަމަވެސް އެއީ ކިހާ އަދަދެއްގެ ސިފައިންކަން ހާމަނުކޮށް ތަފާތު ވާހަކަތަކާއެކު، އެއަދަދުތައް ސަރުކާރުގެ ފަރާތުން ސިއްރުކުރަމުން ގެންދާކަން ހާމަވާ ކަމަށް ވެސް އިދިކޮޅުން ބުނެއެވެ.
އިދިކޮޅުން ބުނީ، ފްލައިޓުތަކާއި ހެލިކޮޕްޓަރު ދުއްވުމުގެ ފަންނީ ތަމްރީނުތައް ލިބިފައި ތިބި ކޮލިފައިޑް ދިވެހި ޕައިލެޓުން ސިފައިންގޭގައި ތިއްބި ނަމަވެސް އެމީހުންގެ ބޭނުން ނުކުރާ ކަމަށާއި އަދި އެމީހުންނަށް މުސާރަ ދޭނެ ފައިސާ ސަރުކާރުގެ ބަޖެޓުގައި ވެސް ނެތްކަމަށް ވިދާޅުވެ ދިވެހި ސިފައިންގެ އަގު ވައްޓާލުމަކީ ކަންބޮޑުވާ ކަމެއް ކަމަށެވެ.
ހަމަމިއާއެކު ރާއްޖޭގައި ތިބި އިންޑިއާގެ ގިނަ އަދަދެއްގެ ސިފައިންނަށް ޑިޕްލޮމެޓިކް އިމިޔުނިޓީ ދީފައިވާކަން ވެސް އޮތީ ފާޅުކަން ބޮޑުކޮށް ފެންނާން ކަމަށް އިދިކޮޅުން ބުނެއެވެ. އަދި އިންޑިއާ ސަރުކާރާއެކު ހެދިފައިވާ ހައިޑްރޯގްރަފީ އެއްބަސްވުމުން ވެސް ރާއްޖޭގެ ކަނޑުގެ ޗާޓު ބޭރު ގައުމަކަށް ވިއްކާލާފައި ވާކަން ވަރަށް ސާފުކޮށް ފެންނާން އޮތްކަން ފާހަގަކޮށް، ރާއްޖޭގެ ސްޓްރެޓީޖިކް މައުލޫމާތުތައް ވިއްކައިގެން ނަފާ ހޯދުމުގެ ސިޔާސަތުތަކެއް ސަރުކާރުން ގެންގުޅުމަކީ ދިވެހި ރައްޔިތުން ބަލައިގަންނަ ކަމެއް ނޫން ކަމަށް އިދިކޮޅުން ވަނީ ބުނެފައެވެ.
ހަމައެއާއެކު، ދިވެހުރާއްޖޭގެ ސަރަހައްދުގައިވާ އެންމެހާ ތަކެއްޗަށް ދިވެހިރައްޔިތުން އަމިއްލައަށް ބަސްބުނެ ގޮތް ނިންމުމުގެ ބާރު އެއްކޮށް ދިވެހީންނަށް ގެއްލިފައިވާކަން ހާމަވަމުންދާ ކަމަށް އިދިކޮޅުން ބުނެއެވެ.
އެހެން ނަމަވެސް ގައުމުގެ މިނިވަންކަމާއި އިސްތިގުލާލު ހިމާޔަތްކޮށް މާތްވެގެންވާ އިސްލާމް ދީނުގެ ހިދާޔަތުގައި ތިބެ ގައުމު ތަރައްގީ ކުރަމުންދާ ކަމަށާއި ފެންނަމުންދާ މަންޒަރަކީ، ގައުމު ތަރައްގީ ކުރުމުގެ ބަދަލުގައި ގައުމުގެ ހަރުމުދާ ވިއްކާ، ގައުމުގެ މިނިވަންކަމާއި އިސްތިގުލާލު އެހެން ބައެއްގެ އަތްދަށަށް ފުރޮޅާލާ ތަން ކަމަށް އިދިކޮޅުން ބުނެއެވެ.
އިދިކޮޅުން ބުނީ، އެއްބަސްވުންތަކުން މިހާތަނަށް ހާމަވެފައިވާ މައުލޫމާތުތައް ވެސް ހާމަވެފައިވަނީ މިހާތަނަށް ދިވެހިރައްޔިތުންނާއި ގުޅިގެން އެކޯލިޝަނުން ސަރުކާރަށް ކުރަމުން ގެންދާ ޕްރެޝަރުތަކާ ހެދިކަމަށް ވާތީ އެއީވެސް ދިވެހި ރައްޔިތުން ކުރަމުން ގެންދާ މަސައްކަތަށް ލިބުނު އިތުރު ކާމިޔާބީއެއްގެ ގޮތުގައި ސިފަ ކުރާ ކަމަށެވެ. އަދި ގައުމުގެ މިނިވަންކަމުގެ ދިފާއުގައި ދިވެހީން ކުރަމުން ގެންދާ މަސައްކަތް ހުއްޓާ ނުލާ ކުރިއަށް ގެންދިއުމަށާއި އެ މަސައްކަތަށް އަވަސް ކާމިޔާބީއެއް ލިބޭނެކަމުގެ އުންމީދުތައް އިތުރުވެފައިވާކަން އިދިކޮޅުން ވަނީ ފާހަގަ ކޮށްފައެވެ.
މުޅި ރާއްޖެ އިންޑިއާ އަށް ވިއްކާލައިގެން ކަޓް ކާލައިގެން ވެރިކަމުގައި ތިބެންއޭ އެމްޑީޕީން ކެނެރީގެ ނަޝީދާއި ރައީސް އިބޫ އެ ދިމާކުރަނީ މުޅި ރާއްޖޭގެ އިގްތިސާދު އިންޑިއާގެ އަަތް ދަށު ލުމުގެ ނަތީޖާ އަކީ ރާއްޖޭގެ ތަރައްގީ 100 އަހަރު ފަހަތަށް ދިއުމޭ އަންނަ އަހަރު ތިލަމާލެ ބްރިޖް ފަށާނެ ކަމަށް ކައްޕަޅި އިންޑިއާ އިން ބުނާއިރު އަދި އެ މީހުން ސައިޓް މޮބިލައިޒް އެއް ނުކުރޭ ދެން ވާނީ ކިހިނެއް އެކަމަކު އެފައިސާ ގަނޑު ލޯނެއްގެ ގޮތުގައި ނަގާ ކެނެރީގެ ނަޝީދު ވަނީ ބަނޑުއަޅާލާފައި ނޫންތޭ މިސަރުކާރު ޖެހޭނީ އިސްތިއުފާ ދޭން
އުތުރު ތިލަފަޅު އެއްބަސްވުމަކީ އެއީ ވަރަށް ނުރައްކާތެރި އެއްބަަސްވުމެކޭ އެއިން ރާއްޖޭގެ މިނިވަން ކަން ގެއްލިދާނެ ކަން އެއީ ޔަގީން ކަމެކޭ އުުތުރު ތިލަފަޅު އެއްބަސްވުން މިސަރުކާރުން ބުނަނީ އެއީ ކުރީ ސަރުކާރުން އެކަށައެޅި އެކްޝަން ޕްލޭނާ އެއްގޮތަށް ކަމަށް އެކަން ކުރަނީ ދެން އެހެންވީއިރުން އުތުރު ތިލަފަޅު އެކްޝަން ޕްލޭން ސަރުކާރުގެ ގެޒެޓް ގައި ޝާއިއު ކުރަންވީ ނޫންތޭ އެއިރުން ރައްޔިތުން ސަރުކާރުން ދައްކާ ވާހަކަ ގަބޫލުކުރާނީ
ސަރުކާރު ވަނީ ފެއިލްވެފައޭ ސަރުކާރުގެ ކެބިނެޓް އިސްތިއުފާ ދޭންވީއޭ އިސްތިއުފާ އިސްތިއުފާ