ދިވެހިރާއްޖޭގައި ވީއައިޕީ ފަރާތްތަކަށް ފޯރުކޮށްދޭ ސެކިއުރިޓީ އިންތިޒާމުތައް ވިލަރެސް ކުރުމަށް އެމެރިކާގެ ސެކިއުރިޓީ ކޮންސަލްޓެންޓަކު ގެނެސްފިއެވެ.
ޑިފެންސް މިނިސްޓްރީން ބުނީ ރާއްޖޭގެ ވީއައިޕީ ފަރާތްތަކަށް ދޭ ސެކިއުރިޓީ ވިލަރެސް ކުރުމަށް ގެނެސްފައި ވަނީ ސެކިއުރިޓީ ކޮންސަލްޓަންޓް ޝީމަސް މިއުލާ ކަމަށެވެ.
ޑިފެންސް މިނިސްޓަރު މާރިޔާ ދީދީ އާއި ސިފައިންގެ އިސް ބޢެއް ވެރިން މިއަދު އޭނާއާ ބައްދަލު ކުރައްވާފައިވާ ކަމަށް މިނިސްޓްރީން ބުނެއެވެ.
ދައުލަތުގެ ތިން ބާރުގެ ވެރިންނާއި، ނައިބު ރައީސް، އަދި ހޯމް މިނިސްޓަރު ފިޔަވާ ހުރިހާ ވަޒީރުންނަށް ސެކިއުރިޓީ ފޯރުކޮށްދެނީ އެމްއެންޑީއެފްގެ ސްޕެޝަލް ޕްރޮޓެކްޝަން ގްރޫޕް (އެސްޕީޖީ) އިންނެވެ.
އެމެރިކާގެ ސެކިއުރިޓީ ކޮންސަލްޓެންޓަކު ރާއްޖެ ގެނެސްފާ މިވަނީ މޭ 6ގެ ހަމަލާގައި ލިބިވަޑައިގެންނެވިި ޒަހަމްތަކަށް ޖަރުމަނުގެ އިތުރުން އިނގިރޭސިވިލާތުގައި ފަރުވާ ހޯއްދެއްވުމަށް ފަހު މަޖިލީހުގެ ރައީސް، ރައީސް މުހައްމަދު ނަޝީދު އިއްޔެ ރާއްޖެ ވަޑައިގަންނަވާފައި ވަނިކޮށެވެ.
މާލެ ވަޑައިގެންނެވުމާއެކު ނަޝީދުގެ ސަލާމަތީ ކަންކަން ވަނީ ވަރުގަދަކޮށްފައެވެ. އެމަނިކުފާނު ރާއްޖެއަށް ވަޑައިގެންނެވީ ތިން ދުވަހަށެވެ.
